وداعا يا غريب الدار

[معلومات العضو ابو رداد الدوسري]

وداعا يا غريب الدار



وداعا يا غريب الدار رد وعود لديارك
وداعا كل غريب يعود ....
كافي تصوغ بأعذارك
وداعا عوفني بهمي وخذ وياك تذكارك
وأخذ عمري وأخذ روحي حرام تماوج بنارك
وداعا يابحر طمطام منهو ليوصل أسرارك
أنى الكلبي سفينة شوك تاهت وسط تيارك

تقرر نفترك هل اليوم بين اللأاّّه والدمعة
ونذوب بنص طريق الشوك مثل النار والشمعة
مادام تصدك العاذل وحجي اللايم تسمعة

خسارة يموت حبنة الفات يل حكم الفلك دارك
انا ألما قصريت وياك رغم جفاك حبيتك
رغم غدرك رغم هجرك رغم بلواك وافيتك
رغم كل ماتكول الناس عنك طايعك جيتك
وتاليهة على الحبلين تلعب بأفشل ادوارك

لاتزعل إذا مليت منك أو خلص صبري
شلون تريد أضل ساكت وخنجر غدرك بضهري
الووب ومنطعن بحشاي وأكتم لوعتي بصدري

أنا بنص الحزن والضيم وانتة الفرح سمارك
وداعا ياغريب الدار رد وعود لديارك
رجاءا عوفني وروح سقط من عيني دولارك

تحياتي

 

 

 

 

[معلومات العضو نجــــــــــديه]

صح لسان شاعرها
اتوقعها من شاعر عراقي
رائعين العراقيين عندهم ذوق عالي وحس راقي
تسلم يمناك على طرحها
دمت بخير اخي

 

 

 

 

[معلومات العضو ابو رداد الدوسري]

صح بدنك ...........بالتأكيد هية لشاعر عراقي وهذا من حسن الذوق والأختيار ما تقدمتي به تحياتي وشكري لمرورك