جريدة الرياض : تكفى ياخالد

[معلومات العضو قلم بدون حبر]

تكفى يا خالد




الأمير خالد بن أحمد السديري

مما قاله الشاعر نمر صنت العتيبي عام 1371ه يشكو فيها على الأمير خالد بن أحمد السديري يرحمه الله:



يا قلبي اللي فيه شي يلوفه

لوف الغصون اللي تقافا بها النود

غاد كما واد تبين حفوفه

من عقب نو الموسم يابس ومجرود

من واحد ما عاد تبرى لهوفه

أشرب عليه الصبر والقلب ملهود

الخد براق تلاعج قنوفه

والعين سوداً كنها عين جلمود (@@)

ليا فل جنحانه ونهض كتوفه

خلا الدجاج وصب نفسه على العود

ليا شفت بالحفال مضرب كفوفه

ليا كن ضاربها على القلب عجرود

خلي ليا بينت عالي وصوفه

مثل الفريد اللي من القفر مطرود

تكفى يا خالد لو عيونك تشوفه

ما كان تلحقني من العام منقود

ما تنفع الفزعة بليا كلوفه

انتم هل العادات وانتم هل الجود

جدك ترى القاضي شكا له صدوفه

فكاكة المشكل على جد وجدود

لولا فعولك من قديم معروفه

والله لصيح ونرفع العلم للعود

كم واحد مشبوك حليت حسوفه

لو هو سجين دونه الباب مردود

ان كان موتي من عشيري حسوفه

وراه يلحقني الزمل وانت موجود

النفس عن غيره تقول معزوفه

غيره ليا شفته على الكبد بارود

كل العلوم الأولات مخلوفه

أنشهد ان الحظ ما عنه منشود

هي بنت من يفتك تال الكروفه

ليا جاء نهار فيه حاوي ومردود

يظهر حفا بالقيض كل معسوفه

وخيال وان حرج على تالي الذود



http://www.alriyadh.com/2008/11/16/article388221.html



(@@) جلمود طير للأمير خالد السديري

 

 

 

 

[معلومات العضو ابن شمسان البدراني]

دااااااااااااائما متألق أخوي قلم بدون حبر ..

لا هنت وبيض الله وجهك ..

تحياتي ،،،

 

 

 

 

[معلومات العضو العماني]

المتألق دائما ً والمبدع قلم بدون حبر

الله لايهينك على ايراد هذه القصيدة الجميله لنمر العتيبي

والله يرحم الأمير خالد الأحمد السديري ويسكنه فسيح جناته وخالد السديري فريد في زمانه وعجزن النساء أن يأتن بمثله .

تقبل تحياتي،،

 

 

 

 

[معلومات العضو الحريجي]

الأمير خالد السديري الدوسري من البدارين .. الأسم فقط ! يوحي لك بـ العزه والشأن الرفيع ! كيف إذا جنئا بـ مسيرته الحافله بكل ماهو جميل ! بالطبع ستعجز الألسن على وصف مثل هذه الهامه التي يفتخر بها الفرد الأصيل والحر من قبيله الدواسر عزها الله .. ولاعجب ان تخرج قبيله الدواسر مثل هذا الرجل وهم ولله الحمد كثيرون في قبيله الدواسر .. ** لاهنت على ذا المنقول اخوي العزيز .. ** تقديري ..

 

 

 

 

[معلومات العضو قلم بدون حبر]

المشاركة الأصلية كتبت بواسطة هايف العماني

المتألق دائما ً والمبدع قلم بدون حبر

الله لايهينك على ايراد هذه القصيدة الجميله لنمر العتيبي

والله يرحم الأمير خالد الأحمد السديري ويسكنه فسيح جناته وخالد السديري فريد في زمانه وعجزن النساء أن يأتن بمثله .

تقبل تحياتي،،

شكرا (هايف)

 

 

 

 

[معلومات العضو قلم بدون حبر]

المشاركة الأصلية كتبت بواسطة ابن شمسان البدراني

دااااااااااااائما متألق أخوي قلم بدون حبر ..

لا هنت وبيض الله وجهك ..

تحياتي ،،،

وجهك ابيض
شكرا

 

 

 

 

[معلومات العضو قلم بدون حبر]

المشاركة الأصلية كتبت بواسطة الحريجي

محمد الحراجين

الف شكر ياغالي على هالرد

 

 

 

 

[معلومات العضو راشد المسعري]

الله لايهينك على ايراد هذه القصيدة الجميله لنمر العتيبي والموجهه للامير خالد السديري

والله يرحم الأمير خالد الأحمد السديري ويسكنه فسيح جناته والأمير خالد السديري من أشهر أمراء وشعراء الجزيرة العربية رحمه الله رحمة واسعة.


تقبل ودي وتقديري ،،،،

 

 

 

 

[معلومات العضو ودعاني 111]

الامير خالد السديري بذكر الذين عاصروه وعرفوه عن قرب امتاز بخصائص فريده يندر ان تجتمع برجل واحد رحمه الله واسكنه فسيح جناته .

 

 

 

 

[معلومات العضو بن واصل البدراني]

عزالله انك قلم بحبر مشكور على الاسلوب الجذاب بطرحك المميز والممتع والمنقول بصيغه جميله

ابن واصل البدراني الدوسري

 

 

 

 

[معلومات العضو يحيى الودعاني]

بيض الله وجهك

لاهنت

 

 

 

 

[معلومات العضو محمد الولامين]

الله يرحم الأمير خالد الأحمد السديري ويسكنه فسيح

دائما مبدع ومتميز يا قلم بدون حبر

بيض الله وجهك على المتابعه والجهود التي تبذلها لخدمة القبيله

لاهنت على كل حال