يالله ياللي فوق الأمه تعاليت (( ظفر بن محمد الشكره ))

[معلومات العضو ناصر آل جزاء]

بسم الله الرحمن الرحيم

هذه قصيدة للشاعر ظفر بن محمد الشكره رحمه الله أتمنى أن تنال على اعجابكم ..

يالله ياللي فوق الأمة تعاليت = ياواحدٍ فوق المخاليق عالي
ياإمنزّل القرآن ياحامي البيت = لاتترك إلعدوان دينك مجالي
نجّيت ذا النون بن متّى بتوقيت = من بطن حوتٍ في ظلام الليالي
وعقب البطا يوسف ليعقوب ردّيت = وأبصر بعد ماكان للشوف خالي
نوّر عليّ القبر لامن تواريت = وسطه وحيدٍ جالسٍ به إلحالي
الربع ردّوا في إعبار وتناهيت = ومازلتنا أسمع صوت قرع النعالي
وأقبل علي اثنين يالله بتثبيت = للقلب لامني سمعت السؤالي
واسعد عيني كان للخمس صلّيت = وصمت ارمضان وصمت بيض الليالي
والفرج محفوظٍ وحجيتنا البيت = والبطن مايدخل به ألا الحلالي
وحفظتنا سمعي وللشوف غضّيت = وزكيتنا مليون وألا ريالي
وبالوالدين احقوقهم ماتوانيت = ربّوك وأفضولك غزير الدلالي
في عقل من لا يكثر الذكر شكّيت = لويلبس اشماغٍ ويلبس إعقالي
لانام خبلٍ تالي الليل ناجيت = من يجمع إعظامٍ ولوهي بوالي
يالله عسى مانيب للنفس زكّيت = وهي خطاياها تفوق الجبالي
إن مارحمني والي العرش ردّيت = من دون عفوه مالعبده مجالي
وصلوا على محمد عدد من لفا البيت = وإعداد ماضمّت إطعوس الرمالي

 

 

 

 

[معلومات العضو مسعود المقيبلي]

لاهنت يا راعي البويضا

 

 

 

 

[معلومات العضو سعد المقابله]

الله لايهينك وكفو

ياراعي البويضا

وصح الله لسانك ولسان الشاعر

 

 

 

 

[معلومات العضو غياث]

لاهنت يا راعي البويضا على هالقصيدة الجزلة المليئة بالحكم والمعاني....

بيض الله وجهك ...

 

 

 

 

[معلومات العضو ناصر آل جزاء]

مشكورين يا الرمح والشامخ وغياث الله لا يهينكم ويبيض وجيهكم ..

 

 

 

 

[معلومات العضو النايف1]

راعي البويضا

لاهنت على النقل الرائع

ونرفع أيدينا للدعاء للشاعر ظفر بن محمد الشكره عليه رحمة الله0

 

 

 

 

[معلومات العضو نايف]

الله يرحم الشاعر بواسع رحمته

ولاهنت ياراعي البويضا

تقبل تحياتي ,,,,

 

 

 

 

[معلومات العضو ناجي الشكري]

السلام عليكم ورحمة الله وبركاته

لاهنت ياراعي البويضا وبيض الله وجهك

 

 

 

 

[معلومات العضو ناصر آل جزاء]

مشكورين يا النايف 1 ونايف وشكري من الخرج الله لا يهينكم وبيض الله وجيهكم..

 

 

 

 

[معلومات العضو الشكري]

الله يرحمه ويسكنه الجنه

وقصيدة ٍ طيبه وجزله


راعي البويضا

لاهنت طال عمرك

وبيض الله وجهك

وتشكر على جهدك


اخوك

ابو عبد الله الشكري

 

 

 

 

[معلومات العضو ناصر آل جزاء]

مشكور يالشكري على المرور والتعليق ....