مشاركتي في زواج الشاعر سلطان المسعري

[معلومات العضو شافي بن راشد النتيفات]

قصيدتي في زواج اخوي وزميلي الشاعر سلطان بن حسين المسعري


الاولة .. دعوتك ياللي بالوفا .. متنجدى
واصلك لو انك يابن عمي ورى حد القرا
مبروك يابن حسين ياللي بالوصل متجودى
يالله عسى بيت عمرته يالشلي مايدمرا
والثانية من يوم جيت اشارك وقافي بدى
من ديرتي في ديرتي دار الرجال الندرا
سلام ياروس تروس الراس الى من اعتدى
خيالة البل يومها بالدم الاحمر تنشرا
اللي .. مواقفهم مع الايام ماتذهب سدى
افعالهم ... جزله . وتاريخ المواقف ينقرا
يامحزم ن ما خجل اللي حطه حزام وعدى
يبشر بفعل ن يطربه قدام وعيونه ترا
قوم ماتمشي من خلقها الله مع دروب الردى
تضرب بهم لمثال بافعال ن تناقلها البرا
اللي تبيع ارواحها في ساعة الوقعة فدى
تكسر شباة سيوف الاعداء ماتتقى فالذرا
يالاد ... سباع الزحول ويا بعيدين المدى
يالاد ... سباع انتم اللي للمطامن تطمرا
يالاد ... سباع انتم سناد ن لمن قل الجدى
منه ... تعزونه ويصبح في ذراكم يقدرا
يالاد ... سباع انتم اليا رفع بالصوت الندى
افعالكم .. ياهل الحمايا ماتغط وتنكرا
يالاد سباع انتم اللي يمتدح فيكم شدى
المدح .. وجزال الفرايد في . ثناكم تعبرا
يالاد سباع المدايح كلبوها .. في قدى
افخر بها وان جا اجتماع رجال اوقف واشهرا
يامكرمين الضيف الى جاكم بحيل ترجدى
والجار في هيبة حماكم يكرم اولا ينهرا
ان انا اشهد ان افعالكم عند العرب ماتنقدى
ياللي ليا منكم بغيتوها .. خذيتوها جهرا
لاجاكم الطماع قلتو من سطركم له بدى
بدى بدى واللي تقدم يمكم يلقى الزرا
وان قلتنا يالاد سباع الفعل رد الصدى
حذف الغتر في ساعة يدريبها اللي مادرا
ترى الخبر مثل الصمايل والفعايل مبتدى
هذي صفات اللي تقدم ما يعود وقدرا
يامحتمين سخاف شول ن ترتع ديار العدى
في ضفكم محدن تهقوى زوعها والا جرا
قلته .. وانا ربعي نتيفات الفعايل وانشدى
يا جاهل ... تاريخنا ... مناب . من يرجع ورا
النا ... وجود وما لغير الله نذل ونسجدى
زحول وشيوخ ومطانيخ ن وساده وومرا
اسم الدواسر بين خلق الله كما ضلع الهدى
كل ن . يدارينا ليا جات .. الحرايب تسعرا
اما .. تعشينا العدو وال ا يجي وجبة غدى
عظم ن كسره الدوسري مايسلم ولا يجبرا
والجار . في سلم الدواسر مايضام ويجهدى
توسم ... عصاه .. بظل من هيباتهم ماتقصرا
وبيع ... اللحم عيب ونقاده عندنا ما يوجدى
كذلك ... الماء عندنا ... مسبل وبيعه منكرا
وعز النفوس طبوعنا لو كان مانلقى مدى
قد قالها عبدالعزيز .... الفيصلي ما قصرا
واهل الكرم يوم القحط دار الدواسر تقصدى
كل .. يجي اديارهم . شفق ن ويلقى ماطرا
ومحد ن طمع في حدودنا يوم الحدود تحددى
من دونها ناقف . ونهدي الروح من دون الثرا
هذا .. بعض ما عندنا عندي عليها مشهدى
قولي صحيح ن مثبته ... ماهوب هرج مفترا
مابخس حقوق الناس طبعي كل ماجيت احدى
كل ن بطيبه تظهره .. يمناه . . قدام البرا
واليوم ... في حكم ن علينا يا عساه يمددى
في ظل ابومتعب وكل ن يتعظ فيما .. جرا
باخواننا .. اللي كل شعب ن بالهلاك مهددى
وانا نعيش ... بخير في دار ن عساها تعمرا
الله يعز المملكة .والدين من شر ... العدى
دار ن بها مسجد رسول الله وبيت ام القرا



شافي بن راشد النتيفات