قصيده بعنوان يا تاج راسي يا معلمني الطيب - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. أقسام ( دغــش الــبـطــي) الأدبـيـة .::: > :: قسم إبداعات شعراء المنتدى ومساجلاتهم ::

إضافة رد
انشر الموضوع
 
أدوات الموضوع انواع عرض الموضوع
قديم 09-04-2013, 09:25 PM   #1
 
إحصائية العضو







ظافر الأمير غير متصل

ظافر الأمير is on a distinguished road


افتراضي قصيده بعنوان يا تاج راسي يا معلمني الطيب

الأب المدرسة التي لا تنتهي مراحلها , والنهر الذي لا تركد مياهه , أحببت في هذه القصيدة أن أسدي غيضا من فيض لعلي به أوصل صوتا ظل صداه في نفسي طويلا ولم يجعله يتأخر إلى الآن إلا لشدة حيائي من أن أضع بصمة لا تليق بمن على يده تتلمذت وترعرعت علما وأدبا وشعرا فإلى أبي الكريم أمد الله في عمره :

يا تاج راسي يا معلمني الطيب=يا عزوتي يا هيبتي يا غناتي
علمتني يا بوي كيف المواجيب=وعلمتني كيف الخشوع ابصلاتي
وإن الزمن كله ظروف اوتجاريب=وإن القناعه كنز ماله فناتي
وعلمتني إن الذيب ما ياكل الذيب=وعلمتني ما اسمع لهرج الوشاتي
وإني لزوم ارضى بكل المكاتيب=وما قدر المولى على العبد ياتي
وعلمتني ما اقول للمخطي امصيب=والوصل خير امن الجفا والشتاتي
والضيف له قدر اوحفاوه وترحيب=وإن الوفى يبقى سمه من سماتي*
وعلمتني ماكن خلف المحاديب=غير المحبه والغلا والصَّفَاتي ( ا )صفاء النية
وعلمتني ميراد صافي المشاريب=واترك عيوب الناس وافطن لذاتي
واجنب ادروبٍ بها الشك والريب=وصدقي وتقوى الله فيها نجاتي
علمتني تقدير كل المناصيب=والصد عن خوة خبيث الصفاتي
ورجلٍ بلا ربعٍ جروحه معاطيب=الربع عزوه ساعة المكرباتي
ومن عاش ما ياخذ ويعطي مطاليب=وش هي حياته خير منها المماتي
ومن لا رقى ساقه صغار المراقيب=تصعب عليه الشمخ النايفاتي
ومن لا يلبي لا لفته المناديب=في مذهب الغالين شين السواتي
ومن لا يودي بين لجواد ويجيب=وقت الشدايد ما بيلقى نجاتي
ولا كل صاحب معرفه رايه امصيب=وإن العزيمه تصنع المعجزاتي
كم قلت بان الصقر لولا المخاليب=ما صاد صيده مع سباع الفلاتي
فهمت قولك عيب قلة لدب عيب =وانا صغير السن باول حياتي
وشبيت وانت تزيد نصحٍ وتهذيب=وتقول لا وصيتك اسمع وصاتي
واليوم يابويه غزى راسي الشيب=ولا انسى جميلك لين تعلن وفاتي
ويا بوي مالي في حياتي مطاليب=رضاك عني غايتي وامنياتي
اسال منهو يعلم الجهر والغيب=يجزاك بالجنات خير الجزاتي


تحياتي للجميع
محبكم ابو بدر

 

 

 

 

 

 

التوقيع

لمشاهدة ديواني الرجاء فتح هذه النافذه

http://www.tanomah.net/vb/forumdisplay.php?f=96

    

رد مع اقتباس
قديم 09-04-2013, 10:09 PM   #2
 
إحصائية العضو







ابومبخوت الدوسري غير متصل

وسام الدواسر الذهبي: للأعضاء المميزين والنشيطين - السبب: لنشاطه الكبير وجهوده الطيبه في خدمة الموقع
: 1

ابومبخوت الدوسري has a spectacular aura aboutابومبخوت الدوسري has a spectacular aura aboutابومبخوت الدوسري has a spectacular aura about


افتراضي رد: قصيده بعنوان يا تاج راسي يا معلمني الطيب

ياسلام

صح لسانك ياظافر الامير وبيض الله وجهك يالجزل على هذه القصيده الشامخه
في معانيها وفي شايبك الله يطول في عمره ويمده بالصحه والعافيه ...

قصيده قمه ورائعه اشكرك عليها يالغالي ولاهنت

تستحق التقييم


وتقبل تحياتي وتقديري ,,,

 

 

 

 

    

رد مع اقتباس
قديم 10-04-2013, 10:17 AM   #3
 
إحصائية العضو








خيالية غير متصل

وسام الدواسر الذهبي: للأعضاء المميزين والنشيطين - السبب: لنشاطها الملحوظ ومشاركتها الفريده في الموقع
: 1

خيالية has a spectacular aura aboutخيالية has a spectacular aura aboutخيالية has a spectacular aura about


افتراضي رد: قصيده بعنوان يا تاج راسي يا معلمني الطيب

اللهم آميييييييييييييييييييين

ونعم فيك وبقصيدتك الجزله الثريه بأشطرها ومعانيها

وفقك الله ورعاك

 

 

 

 

 

 

التوقيع







اليوم عمل بلا حساب ،، وغـداً حسـاب بلا عمل ..

    

رد مع اقتباس
قديم 21-04-2013, 10:21 PM   #6
 
إحصائية العضو







ظافر الأمير غير متصل

ظافر الأمير is on a distinguished road


افتراضي رد: قصيده بعنوان يا تاج راسي يا معلمني الطيب

اقتباس:
المشاركة الأصلية كتبت بواسطة ابومبخوت الشكره
ياسلام

صح لسانك ياظافر الامير وبيض الله وجهك يالجزل على هذه القصيده الشامخه
في معانيها وفي شايبك الله يطول في عمره ويمده بالصحه والعافيه ...

قصيده قمه ورائعه اشكرك عليها يالغالي ولاهنت

تستحق التقييم


وتقبل تحياتي وتقديري ,,,





اقتباس:
المشاركة الأصلية كتبت بواسطة خيالية
اللهم آميييييييييييييييييييين

ونعم فيك وبقصيدتك الجزله الثريه بأشطرها ومعانيها

وفقك الله ورعاك





اقتباس:
المشاركة الأصلية كتبت بواسطة حمد ابن فهد
بيض الله وجهك وصح لسانك قصيدة تستحق الاشادة تقبل مني اطيب التحايا




اقتباس:
المشاركة الأصلية كتبت بواسطة شافي بن راشد النتيفات
صح الله لسانك وبيض الله وجهك على هذه الابيات الرائعه


اخواني واخواتي اكرمتوني بمروركم الرائع اكرمكم الله بما تحبون

 

 

 

 

 

 

التوقيع

لمشاهدة ديواني الرجاء فتح هذه النافذه

http://www.tanomah.net/vb/forumdisplay.php?f=96

    

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
صور نادره لشيوخ الامارات دغش محمد الصخابرة :: قسم الصوتيات والمرئيات والصور بما يوافق الشريعة الاسلامية :: 10 11-08-2011 05:08 AM
التغطية المصوّرة لحفل قبيلة الدواسر بدولة قطر بمناسبة اليوم الوطني للدولة. الإداره :: قسم اللقــاءات والفعاليات والتغطيات الخاصة:: 11 11-03-2011 05:45 AM
التغطية المصوّرة لـ حفل قبيلة الغرره برعاية الشيخ راشد بن عبدالهادي بن محيثل الغريري على شرف الشيخ محمد بن مرّان بن قويد. الإداره :: قسم اللقــاءات والفعاليات والتغطيات الخاصة:: 9 04-01-2011 03:01 AM
التغطية المصوّرة (الحصريّة) لحفل الشيخ بادي بن ناصر آل بوزمام المساعرة تكريماً لموقف الشيخ هذّال بن راشد بن هذّال الحقباني . الإداره :: قسم اللقــاءات والفعاليات والتغطيات الخاصة:: 24 28-06-2010 09:57 AM
بيّض الله وجه الشيخ هذال بن راشد الحقباني على ماقام به من تنازل عن قاتل ابنه لوجه الله تعالى [ لقاء حصريّ + تغطية مصوّرة ] الإداره :: قسم اللقــاءات والفعاليات والتغطيات الخاصة:: 42 21-06-2010 03:23 AM

 


الساعة الآن 09:59 AM


Powered by vBulletin® Copyright ©2000 - 2024, Jelsoft Enterprises Ltd.
---