((دكتور الزمان))

[معلومات العضو عزالخوي(ناصر)]

قصيدة شعرية موجهة الى الشيخ/عبدالله بن فهاد الفصام الدوسري...لمواقفه

المشرفة والنبيلة مع أبناء قبيلته والقبائل الأخرى.

البارحة هاجوس فكري سرى بي وراح
مع هجعة الممسين هيض على قلبي أشجانه
وتهيضت من برق سرى شمال ونوره لاح
أخايـــــــــــــــــله لين الفجر تبين بحجانه
يازين عقب ماهلت مزونه المسراح
مع تختــخ ثرى تربته من لـــــيل رويانه
على اللي من شراه مادور وراه أرباح
دفع قيمته كاش ماهيب أقساط وديانه
رنج جديد ولون بديه كما التفاح
ماهوب أحمر لونه كما لـــــون رمانه
قيرين لابغى سايقه يبدل وهو مرتاح
يبرمج جهــــاز النقل في وعر خدانه
هو الخوي في الضيق لاقلت الأمزاح
والعطف ومعرب الخال على الباب بوزانه
توجه لشيخ لبس من كسب الطايلات وشاح
راعي الموقف اللي ينومس ربوعه وشيبانه
راعي اليمين اللي ماتحسب لشي راح
بيت الجود هو ساسه وسوره وعمدانه
عون الهزيل اللي أضناه طول المسير وطاح
عقب ماشاف رحوله ورى شبك سجانه
أبوفهاد((دكتور الزمان)) الاستشاري الجراح
عالج جروح فيها دكاترة الطب حيرانه
عون الرفيق فخر الدواسر جهر وافصاح
مكانه فوق الطيب تعلى في بنيانه
كساب الثنا والمدح مجده كما المصباح
على راس النايفة بان للناس عنوانه
والختم صلوا عد ماغنى الحمام وناح
على المصــطفى اعداد أيات قرأنه
************************************************** **************
الشاعر ناصر عيسى الودعاني

 

 

 

 

[معلومات العضو ناصر بن فهد]

ارررررررررحب ثم اررررررررحب مليار يا ناصر

وصح لسسانك ويستاهل المدح ابوفهاد والطيب

ولآهنت يا القرم والى الامااااااام

 

 

 

 

[معلومات العضو عزالخوي(ناصر)]

وبك البقا طال عمرك
شهادة أعتز فيها