فاني والمراجل توافيق

[معلومات العضو هيوفة]

فاني والمراجل توافيق

--------------------------------------------------------------------------------



ياليل ياوقـت القـاء للعشايـق
بيني وبينك عهد محـدن دريلـه
الله من همـآ رس كنـه طويـق
باقصا الضلوع وصار قلبي عديله
ياوقت يامكثر بلاويك والضيـق
ومن طاح حظه فيـك وعزتيلـه
وانا منك قد ذقتلي مـر ماذيـق
ولاقام حظي بالسنيـن الجميلـه
لو لاي أطوق ماجرى لي تطويـق
بالسر وخفي شر وقتـي وميلـه
غنوا على ظيمي عفون المخاليـق
اللـي يقولـون الجمالـه رذيلـه
بالتجربه درست وكملت تطبيـق
قصه لو أحكيها عريضـه طويلـه
وين الذي لا طبت في عينه أليـق
حتى يجينـي بالشدايـد وأجيلـه
مافيه أمل تنجب حرار الغرانيـق
لو الثعل اطيب من الذيب حيلـه
ودامي مادور من ورا الناس واويق
ولاني من اللي كل عيب يعديلـه
من راح حقه من رضا النفس مابيق
هفت امقيط وفدوت(ن)للكحيله
ومايهمني من لفق الهـرج تلفيـق
اللـي كلامـه مايحصـل دليلـه
ولا قول أنا زيزوم كل الطواريـق
والشعـر ماقلتـه أدور حصيلـه
ياصاحبي يابن الرجـال المطاليـق
خليف ماطلـع زمانـه حفيلـه
رسى كما ترس الجبال الشواهيـق
ولا ثقل حمل الوقت متنه يشيلـه
بدلت انا غربـي مرغـان بابقيـق
=ومن مايـدور قربنـا مانبيلـه
وفرقا المعزه من عويد وصلفيـق
ومافات مات وعودته مستحيلـه
والعمر فانـي والمراجـل توافيـق
وخاويي الطيب مـن أي قبيلـه
ياراكب اللي من قبل مابعد سيـق
الفين تسعه والجميحـي وكيلـه
اوتو دبل ماهو بعـادي تعاشيـق
وسواقه اللي ماجهد البعد حيلـه
من الاحسا يمشي معا فكت الريق
والظهر فـي بـر البتايـر مقيلـه
شرقي عنه وعله وغربه سواحيـق
في خايعن غصون طلحـه ظليلـه
تسوى مداهيله مناظـر وتعتيـق
وشكل الفلل بالضاحيه والحليلـه
وتسوى قبال اهل الخشوم المدانيق
اللي تقول خشوم بطـن محيلـه
مالي دخل في طبع مرزوق ورزيق
كل(ن)بامشكلته يشاور خليلـه
شوفت قصور الطين طب المعاليق
ودوا النفوس الضايقات العليلـه
ذكرى بقت تجري مع الدم والريق
ذكرى لجيل(ن)حارب الحقد جيله

 

 

 

 

[معلومات العضو متعب الشكري]

قصيده في قمة الروعه صح الله لسان الشاعر والناقل تحيأإتي

 

 

 

 

[معلومات العضو ابو حسين الدوسري]

الله يعطك العافيه قصيده جزله قول ومعنئ
احترامي