عبدالله بن مرضي يمدح الشيخ شايع بن محمد ال فرحان

[معلومات العضو @الجابر@]

الشاعر المبدع عبدالله بن مرضي الجماعين الودعاني
جادت قريحته بهذه الابيات اعجابا بالشيخ شايع بن محمد ال فرحان الودعاني لما شاع عنه من افعال تنومس ويفخر بها القاصي والداني

ابتدي بأسم الله الفرد في مبدى الكلام =الكريم القادر اللي خلقنا من عدم
واحد معبود ما غيره احد له دوام=منزل التوبه وطه وعم والقلم
وأسأله يجعل وفاتي على حسن الختام=ورحمته في ساعة ما يفيد بها الندم
ولا بدعت القاف من باب تكريم الكرام=جبت ما لا جابوا الناس في شعر النضم
شاعر وأقود شرد البيوت بلا خطام=واصخر اجزال المثايل من إجزال القيم
وصغت قاف له من الهاجس السامي نظام=وجهته للي يلا ذكر قالوا والنعم
بيني و بين الثنا في المديحين اللتزام=وعيدي الثالث يلا صار مدحي في ابن عم
مثلك و شرواك يا شوق زاهية الوشام=كل خود مدها ربها بإسم وجسم
مالها غيرك وشرواك يا شايع غرام=لجل تضمن حقها ينحفظ ما ينهضم
يارفيق لك بنفسي معزه واحترام=احترام المحترم لإبن عم محترم
سقت لك قافي بجزل التحايا والسلام=عد من صلى ومن طاف في صحن الحرم
وعد ما غرد على خضر الأغصان الحمام=وعد ما شعشع بليل الدجى الداجي نجم
يابن عم درس الطيب من سن الفطام=كاسب طيبك من اب ومن خال وعم
يابن من يردون يوم الوغى ورد الحيام=ومجدهم يشبه لنار على راس العلم
لاد فرحان لهم في الفخر شان ومقام=يكسبون الطيب بأيمانهم منذوا القدم
كل حر يكسب الجزل لا رفرف وحام=ندر ما تسكن إلا على روس القمم
وجدك اللي شاع مدحه مع شعار يام=وعمنا مدحه وعادة ثنا الطيب يعم
وانت من نومستنا بالثنا بين الأنام=ومدحتك ياصلب ودعان لي فيها سهم
شايع صيتك على اسمك كما برق الظلام=صيت شهم يفتخر فيه كل اخو شهم
صيت شيخ يطلب الزود من عام لعام=شيخته برهانها الفعل ما هوب الختم
ياسند ربعك حزام السعد يوم الحزام=ومن لجا بحماك بأذن الله ما يلحقه هم
وياذرى ربعك من التفرقه والانقسام=قاسم من وقتك ومالك لربعك قسم
يوم غيرك يدخل الناس في كره وخصام=وبين ربعه يزرع التفرقه زرع اللغم
مجلسك منصا وجيه المناعير الحشام=وحقهم في نادر العود الازرق والشحم
ويوم حاشت كفك المال عداك الملام =يا بعد من ثروته باب منقود واثم
وجعل مال ما يجي عند شرواك العدام=لأن مال اللاش تكرم وجوده كالعدم
الله يزيدك ويا عل يفداك الخمام=ويرزقك خير على خير يا هيف الغنم
قلتها من باب فخر بلا قصد ومرام=وسمعي من قليل العرف فيما قلت أصم
والتحايا يابن ودعان مسك للختام=ولك علي احقوق واقلها حبة خشم

 

 

 

 

[معلومات العضو راشد المسعري]

لاهنت يالجابر وصح لسان الشاعر على مدح بني عمه اللي يستاهلون المدح بيض الله وجهك على النقل يالذيب وتقبل ودي وتقديري ،،،

 

 

 

 

[معلومات العضو أبونواف الدوسري]

لاهنت يالجابر وصح لسان الشاعر على مدح بني عمه اللي يستاهلون المدح
بيض الله وجهك على النقل يالذيب وتقبل ودي وتقديري ،،،

 

 

 

 

[معلومات العضو العماني]

بيض الله وجهك يالجابر على ايراد القصيده وصح الله لسان ابومرضي على القصيدة الجزله ويستاهل الشيخ شايع وآل فرحان والوداعين عموم .

تقبل تحياتي،،

 

 

 

 

[معلومات العضو @الجابر@]

الله لايهينكم على مرووركم الطيب

أسعدني تواجدكم

 

 

 

 

[معلومات العضو شريخان]

يستاهل ابو مصعب الطيب والنوماس
علومة تنومس كل الدواسر مو الوداعين وبس

عبد العزيز العجالين

 

 

 

 

[معلومات العضو فرحان فهد ال فرحان]

اشكر الشاعر الفحل عبدالله بن مرضي على هذه القصيده الجزله التي اتحفنا بها وابو طلال شاعر لا يشق له غبار
ومدحه لبو مصعب لم ياتي من فراغ وانما لانه رجل يميز الرجال الذين جعلو المال وسيله وليس غايه
وقد شاع صيت ابو مصعب عند البعيد قبل القريب وذلك لفعله وكرمه النادر وتواضعه الذي لاتحكم عليه من بساطته انه رجل مال
وابو مصعب شيخ وطالب علم جمع بين خيري الدنيا والاخره

الكلام يطول في ابن عمي والرجال هي من تميز الرجال

الجابر اجبرني موضوعك هذا على المشاركه واقول الله يبيض وجهك ويرفع قدرك وقدر شاعر السليل عبدالله بن مرضي الجماعين

 

 

 

 

[معلومات العضو شافي القويسي المخاريم]

لاهنت يالجابر وصح لسان الشاعر على مدح بني عمه اللي يستاهلون المدح
بيض الله وجهك على النقل يالذيب وتقبل ودي وتقديري ،،،

 

 

 

 

[معلومات العضو ابو فهد الغييثي]

لاهنت يالجابر وصح لسان الشاعر على مدح بني عمه اللي يستاهلون المدح

بيض الله وجهك على النقل يالذيب وتقبل ودي وتقديري ،،،

 

 

 

 

[معلومات العضو @الجابر@]

الله لايهينكم جميعا على مروركم الطيب

وابو طلال شاعر كبير وجزل ويستحق ان نعرض قصائده بين ابناء عمه , ويستاهل الشيخ أبو مصعب المدح وعلووومه غانمه مع بني عمه

 

 

 

 

[معلومات العضو فهد الغريري]

صح الله السان الشاعر الكبير ابوطلال وعتلا شانه والقصيدالجزل ليس غريب على عبدالله بن مرضي الجماعين وعز الله العزيز ان ابو مصعب يستاهل العلم الغانم ومنوفيه حقه في المدح الله يبارك في عمره وان اشهد انه عرف يختار من الرجال الي يستاهلون المدح اخوي الغالي الجابر جعل شيبانك في الجنه على هذا النقل المتميز تقبل تحياتي وتقديري واحترامي اخــــوك / فــــهـــد الـــغـــريــــري,,

 

 

 

 

[معلومات العضو محمد الولامين]

صح لسان الشاعر / عبدالله بن مرضي الجماعين الودعاني

ويستاهل الشيخ / شايع بن محمد ال فرحان الودعاني عز الله رايته بيضا

ولا هنت يالجابر على ماقدمت وبيض الله وجهك

 

 

 

 

[معلومات العضو @الجابر@]

88



اسعدني مرووركم


والله لايهينكم على كل حال

 

 

 

 

[معلومات العضو نايف الخييلي]

صح لسان الشاعر عبدالله بن مرضي ويستاهل النعم المادح والممدوح

ولاهنت يالجابر على إيرادك لهذه القصيده

 

 

 

 

[معلومات العضو ابوهادي الودعاني]

لا هنت يالجـابر ...
وصح لسان الشاعر عبدالله ن مرضي الودعاني
والشيخ شايع بن محمد ال فرحان يستاهل وعلومه طيبه
ولاهنت وننتظر جديدك يالغالي ...


أخوك
خالد بن هادي الودعاني