[معلومات العضو ظافر الأمير]

وهذا نص القصيدة

يـالله انـي طالـبك وانت المعيني==جابر العـثرات غفار الخطيه
يـالله جـمل مـوقـفي دنيا وديـني==ياعظيم الملك يارب الـبريه
يـاهـجوسي لانـخيتك جمــلـيني==بالبيوت العصم وانقيها نقيه
جت على المنكوس ولا ع الهجيني==روضي قيفانها لو هي عصيه
ودي امدح صاحبي ذرب اليميني==صاحب غالي وله حق عليه
صاحب المعروف والعطوى السميني==يالله انك تحفظه جزل العطيه
والله ان مافيه شك طرف عيني==ولامدحته لجل جاه ولاهديه
خدمته ناموس وافعاله تبيني==والخوي ماله مصد عن خويه
هذا ابو ماجد وريث الطيبيني==الحجاج الطلق والكف النديه
خالد الغنام ابو ماجد لميني==دوسري ف القى يسوى سريه
الدواسر عز من ماضي السنيني===الشكاله والمراجل والحميه
الدواسر للعصاه موسميني=لالفاهم جارهم يشكي البليه
الدواسر بالملاقا غانميني==وثقوا تاريخهم في كل هيه
الدواسر في بعضهم محتميني==ولايربون المعول والهفيه
الدواسر للضيوف مكرميني==البيوت مشرعه والنار حيه
الدواسر للجمايل كاسبيني==قدر ناصيهم سمين وشاذليه
الدواسر للصديق مسالميني==ومن يعاديهم يرد حوض المنيه
قلتها وانا على علم يقيني==مدحهم لاشك ماتلحق مديه
نذكر الله مبتدين ومنتهيني==وياصلاة الله على خير البريه

تحياتي للجميع