هذا هوى قلب من الحب مفتوق /// عيدكم مبارك

[معلومات العضو عبدالله بن فهد الصخابره]

اقبل مخال الشعـر يلعبـه الشـوق=شم الجبال الصم مـن وبلـه تفيـق
فنجال كيفه باشقـر البـن مسيـوق=ماغثربـت فنـه ايديـن المطافيـق
يطرب له السامع على الشف والذوق=تسبق حـلاوة لذتـه فكـة الريـق
الـذ مـن غيـدا تمخطـر بمنتـوق=يسحر تغنجهـا قلـوب العشاشيـق
عنق الغزال اللي زهى لايق الطوق=يبهرحسين الطوق والعاتـق ايليـق
منطوقها يفرق علـى كـل منطـوق=ازود حلا من در عوج السماحيـق
هذا هوى قلب من الحـب مفتـوق=ذبلت اعروقه من سهـوم التفافيـق
نرضى بما يقسم على كـل مخلـوق=ورزاقنا بيدين مـن يفـرج الضيـق
كل علـى الدنيـا تولـع بمعشـوق=وشربت غلا حبه عروق المعاليـق
واعطاه كل الحب والطاق مطبـوق=وانا عطيت الحب صـدق ومواثيـق
احب سوج الرجل والعمر ملحـوق=ماداملي هومه على المشي واطيـق
شفي رهاد بيـن ضلعـان وعـروق=مع دخلة الوسمي سقتهـا المدافيـق
يكسي روابيهـا زبيـدي وزملـوق=شوفه اعـلاج للصـدور المغاليـق
وهد اشقرللصيد ساطـي ولاحـوق=عوق الطيار معلق الخـرب تعليـق
لاصار مالي مع هل السوق مسيوق=ومدينيـن المـال جملـة وتفريـق
نجم الثريا فـوق والعـز مرمـوق=روم العلا عشق الرجال المطاليـق
الله يصون الرجل عن عثرة العـوق=بجاه مـن بيديـه حسـن التوافيـق

 

 

 

 

[معلومات العضو سالم الخضراني]

صح الله لسانك يابو فهد والله يعطيك العافيه على القصيدة المتميزة وانت ما تجيب الا المميز


كل عام وانت بخير بعد الزحمه


تقبل وافر احترامي وتقديري

 

 

 

 

[معلومات العضو راشد المسعري]

نــــجـــــم الـــثـــريـــا فـــــــــوق والــــعـــــز مــــرمـــــوق
روم الــعـــلا عــشـــق الــرجـــال الـمـطـالـيــق

كفو يابو فهد ، وانت من المطاليق طال عمرك

صح لسانك

ولاهنت على هذه العيديه الدسمه

جزل ودائما تتحفنا بالجزل

تقبل ودي وتقديري ،،،،

 

 

 

 

[معلومات العضو فهد المقابله]

صح الله لسانك يابو فهد والله يعطيك العافيه

تقبل احترامي وتقديري

 

 

 

 

[معلومات العضو شافي بن راشد النتيفات]

صح الله لسانك يابو فهد دائما مبدع في كل شئ
وانا صراحة اطرب لقصيدك

 

 

 

 

[معلومات العضو عبدالله الحافر الغييثي]

ابوفهد صح لسانك واعتلى شانك يانبراس الشعر ..ليس غريب عليك الاجادة في انتقاء الكلمه النادرة السلسه المبدعه . تقبل تقدير واعجابي وفائق احترامي

 

 

 

 

[معلومات العضو مبارك بن شافي النتيفات]

صح لسانك يابوفهد واعتلى شانك

شاعر جزل وشهادتي فيك مجروحة

تحياتي وتقديري

 

 

 

 

[معلومات العضو دغش محمد الصخابرة]

صح الله لسانك يابو فهد والله يعطيك العافيه

في انتظار جديدك

تقبل احترامي وتقديري

 

 

 

 

[معلومات العضو وقيان الصخابره]

صح السانك يابو فهد

قصيده جزله ومتكامله من ناحيه السبك والحبك

 

 

 

 

[معلومات العضو معزي]

صح الله لسانك يابو فهد