الامير // محمد الاحــــــمد السديري!!!

[معلومات العضو فالح بن فهاد]

الامير الشاعر محمد الاحمد السديري شاعرغني عن التعريف لما له من شهرة واسعة ومكانة كبيرة وشاعرية فذة فهو اديب كبير ساهم في خدمة الادب الشعبي ورقيه وتألقه, يعد من أواخر شعراء النبط من طبقة آباء الشعر النبطي وقد اهتم بالتراث النبطي وألف فيه عدة مؤلفات.. شاعرنا هو محمد بن احمد بن محمد بن احمد بن محمد بن تركي بن سليمان السديري- رحمه الله تعالى - خال خادم الحرمين الشريفين الملك فهد بن عبد العزيز وبعض إخوانه . ينتسب إلى البدارين من قبيلة الدواسر . ولد عام 1340ه تقريبا في مدينة ليلى بالافلاج حيث كان والده اميرا عليها ثم انتقل مع والده الى الغاط ونشأ وترعرع هناك في كنف والده ودرس الابتدائية على يد الشيخ عبدالمحسن المنيع , شغف في بداية حياته بركوب الخيل وكان معروفا بسرعة العدو الجري حتى قيل: انه كان يلحق الصعاب من الابل ويمسك بها ,مارس هوايته المحببة ركوب الخيل والهجن كما انه كان مولعا بالقنص واقتناء الطيور النادرة,في السابعة عشرة من عمره اختاره الملك عبدالعزيز - رحمهما الله -اميرا على الجوف سنة 1357ه واثبت وجوده ودرايته وكان مما قام به تصفية قطاع الطرق والخارجين على الدولة على الحدودالشماليةوالشمالية الشرقية ثم انتقل الى منطقة جيزان عام 1363هـ وتولى امارتها ومكث هناك، وعندما ثارت المشاكل على الحدود السعودية اليمنيةبعد الاطاحة بالامام يحيى بن احمد سيطر معاليه على الحدودبحنكة ودهاء وعين عام 68ه قائد للفدائيين السعوديين في فلسطين ,ثم اختاره الملك عبدالعزيز محافظا لخطوط الانابيب وقرر رحمه الله ان يتخذ مدينةعرعر مركزا للمحافظة وكانت حينذاك صحراءقاحلة وخوله الملك عبدالعزيز للتصرف بالاراضي فأسس ثلاث مدن رئيسية هي عرعر و القيصومة وطريف وساعد ذلك على توطين القبائل حتى اصبحت مدن مليئة بالحركة والنشاط والتقدم. بعد وفاة الملك عبدالعزيز نقل الى جيزان مرة ثانية ثم اعتزل المناصب الا انه عاد وتولى قيادة الجيش بالمنطقة الجنوبية ومكث ثماني سنوات حتى انتهت حرب اليمن وعاد وقضى بقية حياته متنقلا بين الطائف ومزرعته الخفيات شمال بريدة على طريق حائل حتى داهمته ازمة قلبية حادة لازم الفراش لمدة شهر حتى توفي عام 1398هـ بالرياض ودفن بالخفيات في شمال القصيم - رحمه الله - وأسكنه فسيح جناته وقد رثاه عدد كبير من الشعراء بقصائد تدمي القلوب, اما شعره فهو يعد من ابرز الشعراء وأرفعهم .. له عدة مؤلفات منها * الديوان الأول للشاعر الأمير محمد السديري. وصل إلى ثمان طبعات * أبطال من الصحــراء * الدمــعه الحمراء(قد عرضة كمسلسل بدوي) * الجديد قصائد الأمير محمد السديري * محمد بن أحمد السديري أميراً و شـاعراً وله قصائد عديده في مختلف البحور فقد أبدع بالفخر والغزل والرثاء وفن المحاوره ، اسمحو لي ان تكون بدايتى مع هذا العملاق بقصيدة فخر وإعتزاز :

إن صار زود المال بيديـن الانـذال=حنّـا مـن المعـروف تنـدا يدينـا
وان كانهم شرهوا على طيب الافعال=حنّـا وردنـا جمامهـا وارتويـنـا
وان فكّروا للجـود يمشـون رحّـال=حنّـا قبـل يمشـون يّمـه خطينـا
يا ما لبسنا للشـرف كـل سربـال=وعلـى البسيطـة للفضيلـة مشينـا
في دوحة العربا لنا مجـد وظـلال=وحنّـا علـى در المكـارم غذينـا
لو نجمع اللي فات منـا مـن المـال=إن كـان شيدنـا القصـور وبنينـا
نعطي ولا نتبـع عطانـا بالاقـوال=ونبذل ونسكـت كننـا مـا عطينـا
وان باعوا الشيمـة بدينـار وريـال=حنـا دخلنـا سوقهـا واشتريـنـا
نطلع لها لو هي على روس الاقـذال=لو هو عسير ٍ دربهـا مـا انثنينـا
بافعالنـا نرسـم دروب ٍ للاجيـال=إلـي نساهـا غيرنـا مـا نسيـنـا
أسـود سـادات ٍ تسجـل للاشبـال=فضايـل ٍ شمنـا لهـا واهتديـنـا
بيض ٍ نسجلهـن جديـدات وسمـال=حفـايـظ ٍ لاحفـادنـا اللاحقيـنـا
نصبر على الشّدات لو شيلنـا مـال=لـو سـال دم دفوفنـا مـا شكينـا
نخـاف يلقـى سدنـا كـل ختّـال=ويبنـي هزيـلات المعانـي علينـا
الليل يا خالـد علـى والـدك طـال=وهنّيـت نـاس ٍ بالكـرا نايميـنـا
يا عز راسي شفت ما خبـث البـال=شـي ٍ يهـوّل شـيّـب الجاهليـنـا
شي ٍ من اسبابـه يشيـب بالاطفـال=فطّـر خشـوم مهجرعـات الحنينـا
أدير قـالات ٍ عريضـات وطـوال=قـالات خـلـنّ المخـفـىّ يبيـنـا
منهن رزين العقـل بالوقـت يهتـال=بوقـت ٍ عبـوس ٍ فطّـن الغافلينـا
وقت ٍ من اسبابه شكى كـل ريبـال=نصبـر ونسكـت كننـا غايبيـنـا
النـاس بالأيـام راحـل ونّــزال=وتفجعهـم الدنيـا وهـم دالهيـنـا
وحيات رب ٍ نـزل آيـات الانفـال=عالـم خفـايـا نـيـة الحاقديـنـا
ما اترك طريق العدل في كل الاحوال=لـو يرحـل المـريـخ للفرقديـنـا

قصيده نادره للشاعر الكبير المرحوم محمد الأحمد السديري كتبت هذه القصيده سنه 1377 للهجره ..

سلمى تقول ان المـوده غرابيـل=وانا على سلمى عليـل الضمايـر
سلمى تقول الحب ويلٍ بثر ويـل=وانا حشاي بجايـر الحـب فايـر
وسلمى لها بقصى الضماير مداهيل=وعندي لسلمى بالمـوده سرايـر
اسأل عليها كل مـا يقبـل الليـل=والصبح اوصي يمها كـل طايـر
الحب في قلبي صبغ صبغة النيـل=بين المحاني صايب الحب جايـر
وياما توجَّد والضمايـر مغاليـل=وياما على سلمى عطيت البشايـر
طفلٍ سلب عقلي بسـودٍ مضاليـل=منها قلوب اهـل المـوده عثايـر
ورموش سودٍ ما تكحل من الميـل=سواه خـلاق البحـر والجزايـر
دارٍ لسلمى ما تجيهـا المراسيـل=دارٍ لقلبـي فـي حماهـا ذخايـر
ارسل لها من ناحـلات المراميـل=مـا يصلنـه ناقـلات المجايـر
اطلب لها من رايح المزن بالسيـل=منـه الزبيـدي نابـتٍ بالمحايـر

وهذي نبرات بالتراحيب والضيم

قل لي هلا وآقول صبحك بالخيـر=وقل مرحبا واقول يا روح روحي
يابـو ثمـان ٍ بالمبيسـم مغاتيـر=أغليك وانت اللي تسبب جروحـي
جاوبت من فرقاك خلج ٍ على ضير=وناديت باسمك والمخاليق توحـي
حيثك هواي من البنـي الغناديـر=وليا عذلني واحد ٍ قلت ما اوحـي
أغليك ما طاوعت عذال ومشيـر=وحيات من مشى السفينة بنوحـي
قلبي على لاماك يكفخ كما الطيـر=ما عادلت روعات قلبي فروحـي
ورجلي تزيد المشي يمك بتصخير=ولا تعدت يـم غيـرك شبوحـي
وهموم قلبي منك ورد ومصاديـر=كّـن عبراتـي ودمعـي يفوحـي
وش جابني لولا ان هذي مقاديـر=الا انها كتبـت بلوحـك ولوحـي

قصيدة سيل ٍ حدر

شى بقلبى يـا مـلا حايـرن فيـة=شىء تحير ابـة العقـول الفهامـى
مخفيـة بفـوادى ولا ودى ابـديـة=وادور الخيـرات شرقـن وشامـى
احترت بة ما شفـت شـى يحاليـة=واليوم ابنشـد عنـة مانـى بكامـى
سيل حدر مـع وادى غيـر واديـة=مـدرى حـلال مـاة والا حرامـى
كانة حلال جايزن شـرب صافيـة=وش حللة يـا مفسريـن الحلامـى
هاتـوا تفاصيلـة وهاتـوا معانيـة=نبى الدليـل اللـى عليـة الكلامـى
نبى دليلـن يفهـم الـدرب ماشيـة=يمشى بـة التايـة بليـل الظلامـى
يمشى بة التايـة ويقـدى مواطيـة=ويشرب قراح الما لياصار ضامـى
لا شك هجسى يـوم خـلا مماشيـة=انـة حـرام ومنـة زود الاثامـى
احرم مـن الزقـوم مـرة وحاليـة=وشربة على الضامى يزيد الهيامـى
اللـة مـن قلـب همومـة تقزيـة=تـدك بـة مثـل الجـراد التهامـى
من ما جرى قامـت تتلـة مشاحيـة=تل الرشا من فوق هـدف المقامـى
روابـع قامـت تصيبـة وتخطيـة=شاف الهوايل واختـلاف الاسامـى
ما يسمع الداعى اليـا قـام يدعيـة=يعوم فى بحـر مـن الهـم طامـى
مـا ينتبـة للـى بصوتـة يناديـة=يزيـد همـة يـوم كلـن ينـامـى
يشوف وقتـن مـا عرفنـا تواليـة=وقت يشّيـب منـة ابـن الفطامـى
هـذا زمانـن كاثـرات بـلاويـة=الغيـم يقلـب فيـة عـج وكتامـى
يا بعد شرب الما على كبـد راجيـة=ما سيل الغبـرا زعـوج الجهامـى
انبيك يا من كلمـة الحـق ترضيـة=اعطيك ما ينفعـك وافهـم كلامـى
قصـرن يذلـك لا تقابـل مبانيـة=خلة عسى شامـخ طويلـة هدامـى
خلة عسى ما صاب اغاديـر يفنيـة=يـودع منازلـة الطويلـة رجامـى
لـوزان مدخالـة وطالـت حواميـة=شيّد علـى الخيبـة قليـل الرحابـى
وحـى يوريـك المذلـة وتغلـيـة=أنا أشهد أنك ميـت القلـب عامـى
مـن لا يـودك لا تـودة وترجيـة=ارفع مقامـك يـا عزيـز المقامـى
ارفع مقامك عـن عـدوك وتوذيـة=ويلحقك من تركت رفيقـك ملامـى
حـق الرفيـق وواجبـة لا تخليـة=يلزمـك مثـل الوالديـن الحشامـى
اختر عزيز الجار والحـق يعطيـة=شبل على هرجـن يقولـة يحامـى
ما دك بة عـرج المذلـة وطاريـة=يسبق على فعـل الفضيلـة شمامـى
ومن قارب الاجرب بالامراض يعدية=عدواة تسطـى باللحـم والعظامـى
درب السلامـة بيناتـن مماشـيـة=ودرب العطب يرث عليك اللكامـى
ابعد وقلبـك نـازح البعـد يشفيـة=وتلقى عن الـدار البغيضـة مقامـى
دارن بدار وداعـى الـذل عاصيـة=ولا تقبـل الذلـة نفـوس الكرامـى
الـذل مـوت حايمـات ضواميـة=ادخل على منزل فروض الصيامـى
عن مقعـد بالـذل عينـك تراعيـة=الموت عند الـذل امـان وسلامـى
يرضى المذلة من تـردت هقاويـة=والذل يجفل منـة قلـب العصامـى
والعبد لة رب عـن النـاس يغنيـة=ولولاة ما صاب الهدف كل رامـى

قصيده للشاعره ريمـــه بنت الامير محمد بن أحمد السديري (رحمه الله ) وهي ترثي والدها وتقول :

ياقبر ضم ابوي ياقبر بالهـون=اللي سكن فيني وهو فيك ساكن
بكت له اقلوب وعميت له اعيون=وتشفّقت لامـاه كـل الاماكـن
بعده حياتي ما لها طعم او لون=والعمر من عقبه مخيف وداكن
ياقبر هانوا بعده إللي يموتـون=ولا قلت انا يمكن ولا قلت لاكن

من القصائد المتبادلة بينه وبين عدد كبير من الشعراء البارزين الذين لا يتسع المجال لذكرهم جميعا منهم سمو الامير سعود بن محمد وسمو الامير عبدالله بن محمد بن عبدالرحمن واصحاب السمو الملكي عبدالله الفيصل وخالد الفيصل والامير عبدالرحمن السديري والشعراء زبن بن عمير وناصر الفايز وعبدالله السلوم وعمير بن زبن وراشد بن جعيثن ومرشد البذال وسلطان بن بدر وفيحان بن عقيل وناصر بن بليهيد ورشيد الزلامي وقد اخترنا لكم ابياتا بينه وبين الامير خالد الفيصل اذ يقول سموه/

ياقلبي اللي من هوى البيض معتاذ=واليوم اشوف الوجد والشوق بـذه
حسبي على اللي للمواصيل جـذاذ=حبل الوصل من بيننا البعـد جـذه
يسقي منـازل ليـن العـود رذاذ=يلقى بها ظبـي الطعاميـس لـذه
الصاحب اللي عن هوى القلب مالاذ=لا قلت دوك القلـب يازيـن غـذه
ولانيب من هرجه كثيـر وهـذاذ=ماشاف فـي ليلـه نهـاره يهـذه
عساك تأتي لي يابـو زيـد نفـاذ=قلب تحذى الشور ياخـوك حـذه

وقد اجابه شاعرنا الامير محمد السديري - رحمه الله - رغم صعوبة القافية الا عليه فانها لا تصعب مهما كانت فقال

أسهر طوال الليل واغضي على الحاذ=وعن الصديق القلب مـا فيـه شـذه
شكواك خلت بسـرة القلـب تخـاذ=و لا عاد في قلبي من الصبـر فـذّه
اللي يا بو بندر جعل قلبـك افـلاذ=مشربك ياممـدوح الأفعـال عـذه
طفل سهم عينـه بالاعمـاق نفـاذ=والحـق عليـك بقـذة عقـب قـذه
ان كان مالك فيـه مدخـل ومنفـاذ=له الشبك في مدهـل الصيـد بـذه
وإليا دخل وسط الشبك يابن الافـذاذ=غوجك لساعـات المهمـات حـذه

هنا تتجلى الحكمه وقصيده زاخره بالحكم والنصح /

انبيك يا من سلت عن بعض الأحوال=أنشد وأنا لك حاضرالفكر ومجيـب
إن كان تبي الرشد يا طيـب الفـال=ازبن على رزاق عكـف المخاليـب
ازبن على اللي في يده علم الآجـال=علام ما بالكـون مـذر المعاطيـب
الواحـد اللـي للصعيبـات حـلال=منقذ مداريـك ومبـري مصاويـب
اخلص لعـلام السرائـر بالأفعـال=وناجه اليا صكت عليـك اللواليـب
ادعه يفرج لك ليا صكـت الجـال=حلال عسرات الأموار المصاعيـب
اللي دعاه أيوب من ضيم الأهـوال=وأنجاه من حال تزايد بهـا الشيـب
الناس في دنياك كـل لـه أعمـال=أتبع طريق العدل وأبعد عن الغيـب
درب النقاء بين ولك فيـه مدخـال=ومن باق ماله عند ربـه مقاضيـب
وليا رضا حلال عسـرات الأقفـال=-لا تلتفت للخلـق لوهـم مغاضيـب
لا تلتفـت للخلـق راحـل ونـزال=مالـك علـى ذريـة آدم مطاليـب
ورفيقك المأمون حطه علـى البـال=وأذره اليا جـن الليالـي شلاهيـب
أجعل بقلبـك لـه محـل ومدهـال=تلقاه ذخر بمعضـلات المواجيـب
عديل روحـك لا تدوربـه إبـدال=عونك ليا صكوا عليـك المغاليـب
ما هوب من شيل العظايـم بمـلال=يصبر كما تصبر على شيلها النيـب
مفراص ماص للصعيبـات حـلال=صميل قيض وماضياً له تجاريـب
وأحذر ترى بالناس مبغض وختـال=ماله مراجل كود شـذب العراقيـب
عن مذهبه خلك على راس ما طـال=وخله على فالـه يشـم المغاريـب
البوم يسكن بالخرايـب والأطـلال=والحر مسكانه بـروس المراقيـب
طير السعد من كفـه الـدم شـلال=بالمخلب الساطي عطيب المضاريب
ولا يغرك بالرخـم كبـر الازوال=وكبرالنسورالمهدفـات المحـاديـب

 

 

 

 

[معلومات العضو أبونواف الدوسري]

أخي الأمبراطور

لا هنت علي ذكر هذه السيره العطره عن الأمير الشاعر محمد الأحمد السديري..

رحمه الله رحمه واسعه وأسكنه الفردوس الأعلي من الجنه..

تقبل تقديري وأحترامي

 

 

 

 

[معلومات العضو فالح بن فهاد]

المشاركة الأصلية كتبت بواسطة أبونواف الدوسري

أخي الأمبراطور

لا هنت علي ذكر هذه السيره العطره عن الأمير الشاعر محمد الأحمد السديري..

رحمه الله رحمه واسعه وأسكنه الفردوس الأعلي من الجنه..

تقبل تقديري وأحترامي

آمين الله يتقبل دعائك ياعم والله يكتب لك الاجر لهذى المرور الطيب الذي نال الخير

 

 

 

 

[معلومات العضو فالح بن فهاد]

المشاركة الأصلية كتبت بواسطة أبونواف الدوسري

أخي الأمبراطور

لا هنت علي ذكر هذه السيره العطره عن الأمير الشاعر محمد الأحمد السديري..

رحمه الله رحمه واسعه وأسكنه الفردوس الأعلي من الجنه..

تقبل تقديري وأحترامي

آمين الله يتقبل دعائك ياعم والله يكتب لك الاجر لهذى المرور الطيب الذي نال الخير

 

 

 

 

[معلومات العضو مبارك الخييلي]

الأمبراطور سلمت يمينك


ولاهنت وبيض الله وجهك


صح ألسانك

وألسان فقيد الدواسر رحمه الله محمد السديري

تقبل جزيل شكري والتقدير

 

 

 

 

[معلومات العضو فالح بن فهاد]

المشاركة الأصلية كتبت بواسطة مبارك الخييلي

الأمبراطور سلمت يمينك


ولاهنت وبيض الله وجهك


صح ألسانك

وألسان فقيد الدواسر رحمه الله محمد السديري

تقبل جزيل شكري والتقدير

ووجهك ابيض ولاتهون يامبارك عسى الولي يعزك في مرورك دوم

 

 

 

 

[معلومات العضو لين]

الأمبرطور أوردت فأجدت
الله يعطيك الف عافية على هذه النبذة عن الأمير الشاعر محمد الأحمد السديري رحمه الله
فقصائدة درر لايمل من ترديدها
تقبل تقديري وأحترامي

 

 

 

 

[معلومات العضو فالح بن فهاد]

المشاركة الأصلية كتبت بواسطة لين

الأمبرطور أوردت فأجدت
الله يعطيك الف عافية على هذه النبذة عن الأمير الشاعر محمد الأحمد السديري رحمه الله
فقصائدة درر لايمل من ترديدها
تقبل تقديري وأحترامي

لاهنتي يالين على المرور المتميز

 

 

 

 

[معلومات العضو بوح الصمت]

موضوع جميل جداً

الله يرحمه ,,

ذكره طيب و خالد

قصائد رائعه

تسلم يمينك

 

 

 

 

[معلومات العضو فالح بن فهاد]

المشاركة الأصلية كتبت بواسطة بوح الصمت

موضوع جميل جداً

الله يرحمه ,,

ذكره طيب و خالد

قصائد رائعه

تسلم يمينك

الله يرحمه ويسكنه فسيح جناته آآآآآآآآآآآآآآآآآآآمين يارب العالميـــــن

اختي الكريمه ،،، نوف تعجز وصوف الرفوف الطاميه بطيوف الشكر لمرورك الكريم لاهنتي على التميز

 

 

 

 

[معلومات العضو نايف الخييلي]

الامبـــراطور

موضوع متكامل ورائع لاهنت على تقديمه واشكرك على إيرادك الجميل


والله يرحم الامير محمد السديري

 

 

 

 

[معلومات العضو فالح بن فهاد]

المشاركة الأصلية كتبت بواسطة نايف الخييلي

الامبـــراطور

موضوع متكامل ورائع لاهنت على تقديمه واشكرك على إيرادك الجميل


والله يرحم الامير محمد السديري

الله لايهينك يالقرم على المرور الطيب شرفتنا ياخيآلة الشرفا

 

 

 

 

[معلومات العضو !محتميها!]

الامبراطور
موضوع جدا مميز
والله يرحم الامير محمد السديري



تحياتي

 

 

 

 

[معلومات العضو فالح بن فهاد]

المشاركة الأصلية كتبت بواسطة !محتميها!

الامبراطور
موضوع جدا مميز
والله يرحم الامير محمد السديري



تحياتي

مميز ممرورك الطيب لاهنت

 

 

 

 

[معلومات العضو السد العالي]

تسلم اناملك والله يرحم ابوزيد ويسكنه الجنه