السلام عليكم ورحمة الله وبركاته ،،،
قصيدتين للشاعر/ صنـت بن طلـق المطيـري
اليا صار في بعض المماشـي مناقيــد=واجــب عليك تشــوف ممــشى صحيــحي
اســلك دروب الطيــب ولا دايم تحــيد=ان كــان ودك بالعلى والمــديــحي
الطيــب مهنه للرجــال الصـنـاديــد=اللي مراجـــلهم تغيـــض الشـــحيحي
والا الــردى نقـــص ودايــم تنــاكيد=متعثــر دربـــه ودايـــم مطيحـــي
الطيــب واضح مشـــرف كنــه العيــــد=يمشــي به اللي عاقــل مســـتريحي
ومن يطلب العــليا بروس المشـــاهيد=يــدي حقــوق الله ولــو هو طـــريحي
ممشـــى بلا مصلـــوح دايم تنــــاهيد=يقطعــك من درب الوفـــى يالفصيحي
وصــلاة ربي عد ما نقطـــع البيـــد=على شــفيع الخلق راع المـــديحي
قـالوا مشــيت الطيـب لكنــه اصعيـــب=واجــب علي امشــــيه ما دمـت حيــا
الطيـب رجــمٍ عـــالي ٍ دوم وتعيــب=واللــي نــوى يــرقــاه يلقاه ظيــا
فيه النشـــاما تســمع الصــوت وتجيـب=وتقـول حنا الطيـــب شـــــمسٍ وفيـــا
واللي يريد الطيـــب يســتاهل الطيـــب=والطيــب مثــل الــزرع يحتـــاج ميـــا
والمرجلــه تحضــر في الأحيــان وتغيــب=وتــرى طــراة الـــروح صيـــتٍ يحيـــا
والمرجلــة بـــاب وصكــــه عــــذاريـب=واللــي يصــك البــاب حالـــه شـــقيا
فعـل المــراجل ما يجــي بالتكـــاذيب=ياكــود شــخــصٍ فيـه نخـــوة حميــــا
وتـرى دروب الطيــب صـــدق وتراحيـــب=فيـــه الوفـى والعــز رفــع الثــريا
واللي يشــوف الطيب فعــل المواجيـــب=يهنــا يشــوف الطيــب صبــح وعشـــيا
ومن لا يشـــمر قبل يطلــع به الشــيب=عــزوه باهــل العـرف قبـل المنيـــا
وسلامتكم جميعاً ،، وتقبلوا خالص تحيات أخوكم ومحبكم في الله/صالح الجعيدي