السلام عليكم ورحمة الله وبركاته
اخواني اعضاء هذا منتدى قبيلة الدواسر الرسمي في البداية اعتذر لكم عن قلة مشاركاتي ، وانا متابع دائم لكم ولجميع المشاركات في هذا المنتدى الرائع تحت ادارة اخي العزيز بومبارك (هايف العماني)، واحب اشاركم اليوم بمشاركة ان شاء الله تليق بهذا القسم وهي عبارة عن قصيدة لأحد شعراء قطر الكبار والمشهورين الشاعر المرحوم علي بن سعيد بن سبيت المنصوري .
مناسبة القصيدة :
نظم الشاعر علي بن سعيد بن بن سبيت المنصوري هذه القصيدة عندما عتب عليه الشاعر راشد بن فريش المنصوري بأنه سكن مع آل ضابت آل عمّار الدواسر أهل منطقة الخريب ، عاش معهم مايقارب ستة وثلاثين عاماً ، حيث رد ابن سبيت بهذه القصيدة يظهر بها صفات وكرم آل ضابت بما انه عاشرهم وسكن معهم في منطقة الخريب وهذه الصفات تمزيت قبيلة الدواسر عامه
.
انا البارحه باتت عيوني سهيره=وقامت تخايل وين برق ٍ نزى لها
شفوق ٍ على رد المراسيل والنبا= من الشاعر اللي راح فيها وقالها
يامرحبا ً باللي لفتني مراسيله=عدد ماتهل من النواشي خيالها
ان سال مني لايبيح سرايري=ونفسي من اللي صابها لا يسالها
وان سال من الدنيا القديمه تبدلت =ولا عرفنا ميلها من عدالها
وين البدو لي يتبعون الوسامي = وين الردوم اللي جداد ٍ حبالها
وين البداوه الأوليّه تمايزت = راحت عليكم مابقى الا ارذالها
انا سال منكم بالملاحيظ والرجا= وعيني من الفرقا قريب الوزى لها
من عقب ذا قم يانديبي تهيّا=على سيت فرت ٍ يقطع الزري لالها
قد له على التمرين من العام وابتدا= في العام الأخر يعطي النفس فالها
دليل ٍ سوّاقة على السير والسرى=عزوم ٍ يدل سهولها من رمالها
دنّه ونصّه يانديبي رفاقه = سقم المعادي لاعثت في حبالها
منصاك راشد كاسب الجود والثنا=شوق الطموح اللي قزت من رجالها
الى جيت بنّد واحتسب للكرامه=والقرم من حين ان تحيه اعتبى لها
عاده وله من قبل هذي عوايد= يذبح دقايقها ويعطي جلالها
سلم وخصّه بالسلام وتحيّه= هو الفهيم وفاهم ٍ في سوالها
قل له ( علي ) مايتشكي من هضيمه= الا من الفرقى علينا عطالها
((سكّان في دار ٍ باهلها عزيزه=تجددّ كما عذرا ً كساها جمالها))
((غدت بنا دار ٍ الأجاويد والرخا= خذنا شرف اهلها بزين اعتدالها))
((هل الكرم والجود واهل المعزّه =ومجالس يبقى الصخا من عنالها ))
((دلال بن ٍ بها الهيل ينعمل =وحيل ٍ عليها الني عاتق حيالها))
((واهل ٍ يقولون الاجاويد مرحبا=ترحيبة ٍ من جا يعيّن بدالها))
((غدينا وسجينا معاهم سنينا = مرت وطافت ماحسبنا كمالها))
انبشرّك ان الدنيا علينا يسيره=والخبل يطرب في فضلها وحالها
الا يالله ياللي تعلم السر بالخفا= تساعد ضعيف ٍ طلبته ما ينالها
لو تنفع المنوى تمنيت منوتي=انا منوتي عسره وعسر ٍ مجالها
انا منوتي عذرا ً من البيض جادل= عاد الزوج مايدري بها ويش حالها
مهضومة الخصرين منهوبة الحشا= تدرى السحا غالب عليها خيالها
تحيا بها صملان قلبي وترتجع= عقب اليباس يرد فيها اذبالها
كما ترجع العيدان من رايح الحيا= الى علها الوسمي وجدد هجالها
وسلامتكم جميع ،،
اخوكم سعد بن راشد القعاطري آل بورحمه المنصوري