السلام عليكم ورحمة الله وبركاته...
اشكر اخي ماجد المهنا على دعوته الكريمه...وعسى ان نكون عند حسن الظن....
اولى مصافحه لي عسى ان تكون على الذوق وتنال الاستحسان منكم اعزائي...اعضاء منتديات الدواسر ...
يكفي أنا يا هيه بنت نسـل الأحـرار=بنت الرجال اللٌي على الطيب يربـون
مـاردٌو الطرقـي ومـا ردٌو الجـار=عاداتهـم بوجـه المهلٌـي يهـلّـون
أبوي أنا (.......) بالطيـب مـدْرار=مـن هيبتـه كـل القبايـل يـفـزٌون
اقولهـا كلٌـي ثقه..كلٌـي إصــرار=ليت العذارى مثل ( هالحٌر) يجنـون
يا نسمة ٍ تشفينـي لا ضرٌنـي غبـار=يا قمـرة ٍ تضوينـي لأظلـم الكـون
أبْشر ببنـت ٍ بالخطـا دمٌهـا حـار=تحفظ حقوق الله وتحفظـك مصيـون
موتي أنا موتـي ..ولا جلْبـة العـار=ماني مـن اللٌـي لشياطيـن مفتـون
ما يغرنٌي حكـي العسـل والتبهٌـار=مهما يتروجوني ويصيحون (تكفون)!
البنت مثل الشـاشْ لا جاتـهْ إحبـار=تلوثـت ماعـاد ينصـع بـه لـون!
الحب ما هو طلعة ٍ خلـف الأسـوار=ولا هو ترى ( ترفيه ) حتى تسلـّـون
الحب اصفى من مواعيـد وأسـرار=أصفى من اللٌي تقصدونـه وتعنـون
الحب اصفـى لاغـدى منهجـه دار=على عفاف النفس ْ والطٌهـرْ معلـون
لا تغرٌكم دنيـا تـرى لـذ ٌهـا نـار=بكره بوسط القبـر ويـن التـذ ٌرون؟
يابوي انا يا بوي ..لا توصٌـي كبـار=ترى الذهب من خلقتي انصاغ تدرون..!
مهما تضيق النفس..مهما الزمن جـار=مهما يشٌح الوقت صابر على الهـون
علمتنى الصبٌر مـن طبـع الأخيـار=وأن القسا يورث على النفس طاعون
علمتني الصٌدق زهر مـن الأزهـار=وأن الكذب لنفـس طاغـي وملعـون
مهما أنا عديـت مـن طيبـك أذكـار=ماظن انا بنهـي لـو أعـدْ مليـون..!
هذه القصيـده كلـهْ تحذيـر وأنـذار=لأهل النفوس الجاهله الحب وشلون..؟!!
دمتم بخير
اختكم : رباب الطيب