[معلومات العضو عبدالله الدوسري]

قصيدة الشاعر/ بداح ابن خذمه العجمي في الوداعين الدواسر

يا أهل النضا اللي عليكم طالت الملّه=إيتوا و بأذكر لكم طيب المعازيبي
جينا الوداعين نشكي الجوع و الخلّه=و أرهوا علينا الشحم فوق المعاصيبي
اللي على الفرش ينثر كلّشٍ فله=البن و الهيل و السكّر مع الطيبي
ما منهم اللي تغيّب حطّ عذرٍ لّه=كلٍّ يقلّط لنا قبل المعازيبي
ليت الذهب ينخزن في بيوتهم كلّه=حيثه يعيّن إلا جات المواجيبي
ان جاهم اللي شكى من ثقل حملٍ لّه=لا وصْلهم وقفت منه المطاليبي
جعل السلّيل يجيه الوبل و يعلّه=و يجيه سيلٍ تضيق به المحانيبي