السلام عليكم ورحمة الله وبركاته ،،،
أرجو السماح من أخي الغالي محب الجميع/ دغش البطي،، ولا يهونون الجميع،، على نقلي لقصيدتك كاملة (وجدتها في أحد المنتديات)،،،
والقصيدة هي:-
ألآ ياناشدٍ عنـي تفضـلْ وإستمـع بآأجيـب=إجاباتي على قـد السـؤال اللـي تهذريبـه
أنا رجلٍ وأحب الطيب واللي يفعلون الطيـب=ورجلٍ يحشم أهل الطيب والمعروف ياطيبـه
وأنا رجلٍ عزيز النفس وأدورْ لهـا تجنيـب=عن إدروبٍ بها الغرَات والشكَـات والريبـه
وأنا رجلٍ كثير الخوف من اللي عالمٍ بالغيب=وأسآله يغفر ذنوبـي ونسلـم مـن تعاذيبـه
وأنا رجلٍ غيورٍ وأكره أهل الكفرِ والتخريب=ورجلٍ مامشى فـي منهـج التوحيـدِ ماليبـه
وأنا من لابةٍ بيـن القبايـل تشتهـر بالطيـب=لهم تاريخ ومـؤرخ وكـل النـاس تدريبـه
أنا من لابةٍ خلَتْ عيون المعتديـن إتشيـب=مزبنة الجلاوي لاقنـب ذيـب ودعـا ذيبـه
أنا من لآد زايد لابتي سـقمٍ علـى الحريـب=رجالٍ يفعلـون الجـود والنامـوس تحريبـه
رجالٍ يكسبون الطـايله غصبٍ بلـيا طيب=رجالٍ ينطحون الحـرب لا دارت دواليبـه
إليا من صاح صياح الضحى يزهم عليه نجيب=نوردها حياض الموت مانخشى عواقـيبـه
نضد الضد بالسيف الحدب ونعذبه تعذيـب=وشلفٍ في نهار الهوش ماتبرى مضاريبـه
ومن جانا يبينا مالقى ياكون شق الجـيـب=وإليا منَه توهَق من توهَـق عـاد بمصيبـه
وحمينا الدار وأعفينا جوانبها من الغريـب=يكون اللي نحط الـوسم في المشعاب يمشـيبـه
بدون إقصور في باقي القبايل مالحقهم ريـب=كريمين الرجال اللي فعول الطيـب تمشيبـه
عطيتك علمي الأول عسى علمي معاك يصيب=وإذا كفَـاك وإلأ باقـي الأخبـار بآجيـبـه
كفو أخوي/ محب الجميع/ دغش البطي،،وصح لسانك ،،
وسلامتكم جميعاً.(مــنــقــول)