حمدنا الله على مايكتبه مـن حسـن تدبيـره=إلـه الكـون عـلام الخفايـا رب الأربابـي
عظيـم الشـان رب نعبـده ماينعبـد غيـره=صبرنا في رجاه ومن رجا المعبود ماخابـي
إلـه هـون الكايـد وساعـدنـا بتيسـيـره=وهونهـا وزينهـا بعـد تبذيـل الأسبـابـي
وسمعنا وانشرحنا والخبـر جتنـا تباشيـره=وحضرنا واجتمعنا يوم عادو بعض لصحابي
وجينا واجتمعنـا والفـرح دقـت مزاميـره=بعد ماعاد ربـي للجماعـة بعـض لقرابـي
ورحبنا بوفـد زار مـن ديـره إلـى ديـره=هلا يامرحبـا بربوعنـا وارجـال لجنابـي
تراحيـب تزيـد وكـل رجـل زاد تفخيـره=هلا ترحيبة مـن خاطـر شفقـان وحظابـي
عدد ماهل ودان المطـر وانشـت شخاتيـره=وعدد مالاح برق في سماه وما خظر ترابـي
تراحيـب نقدمـهـا لـوفـد زاد تقـديـره=عزيزيـن علينـا والمعـزة بابهـا بـابـي
تعم رجال همدان هـل الطـولات والسيـره=مزبنة الجلاوي متعبـة مـن كـان حرابـي
إليا منـه زبنهـم جالـي كثـرت مشاويـره=تريح واستراح من الهموم وخاطـره طابـي
تريح وسط قـوم تحكـم العـادات والجيـره=نسا همه وغمه فـي ذرا عكفـان الأشنابـي
مزبنة الدخيل اللي عليه مـن الزمـن غيـره=هل النخوات واهل المرجله شيبـان واشبابـي
على من زارهم سور يعـدي مـن هواجيـره=يجون لجارهم مثل الذرا ولحـاف وحجابـي
على من عندهم حصـن قويـات محاصيـره=ومن جاهم مخيـف بينهـم ماعـاد يرتابـي
إليامـن حـل دار حـددت برجـال ذخيـره=تريح بينهـم لـو يطلبـه خمسيـن طلابـي
والى من حربهـم طامـع عميـت تباصـره=قبايل عاصيه من ساسها تاطا علـى النابـي
انا لاقلت جـف الحبـر ولسانـي وتعبيـره=بمدح اللي لهم بيـن القبايـل عـد وحسابـي
لكن برفع لهم بيضا علـى لاراض تنويـره=لهم بيضا تغشوا ما رتفع مـن راس مرقابـي
بياض يرتفع في المنطقـة ويزيـد تطويـره=من حدود العراق إلى اليمن في عرق وهضابي
يغنيها حمـام الـورق ويروجـع تكاسيـره=على روس الغصون اليانعه في خصب لشعابي
خبرها في حميـع المملكـة تنشـر تقاريـره=ويرفعها مع صـف الملاعـب كـل لعابـي
هذا حق الرجال اللي تعـز الجـار وتجيـره=ومن لاذ بذراها فـي حمـاه يعـز ويهابـي
كرامتهم علينـا لازمـه والصـدق تبريـره=نقدم من صحون الضان تو شيـوخ لجنابـي
مع ترحيبـة عنـد الـذي يكـرم مساييـره=مقـر العلـم لاجـا فيـه صـداق وكذابـي
محل بن حقطان طيـب الوقفـات والسيـره=اكعام الشره لامن عضت النجد على النابـي
وهو شيخ اللدام اللي يروس العلـم ويديـره=وزيـزوم لرجبـان تخلـص كـل لنشابـي
مقيدة الجمل في الحرب لاختفـت مظاهيـره=اهل شلف مضاربها تعومس فيـه لطبابـي
حماة الشول في المخضار لاتاهت معاشيـره=بزينات السحور اللي نقلهـا كـل معطابـي
ومن قوم زعيم الـروم ماهابـو طوابيـره=حماة الغرس ماحطوا عليه أسوار وابوابـي
مشو من سد مارب واخذوا الوادي لهم ديـره=وهم من صلـب زايـد لاتبينـا بالانسابـي
ومن زود الكلام نشوف تقليلـه وتقصيـره=وصلاة الله على راع الشفاعة سيد الاصحابي
لا هنت لا هنت لا هنت,,, وبيض الله وجهك أخوي/ العقيد على القصيدة الجزلة.
صح لسانك ولسان الشاعر المعروف : مبارك بن سيف ال حميد الرجباني, وتقبل خالص تحيات أخوك ومحبك في الله/ صالح الجعيدي