السلام عليكم ورحمة الله وبركاته
هذه القصيدة قالها الشاعر المعروف : مبارك بن سيف ال حميد الرجباني الدوسري .
في الحفل الذي أقامه الأمير: حقطان بن حمود بن وثيله .
بمناسبة قدوم ال حزيم الحرارشة من اليمن . ومن معهم من قبائل دهم اليمنيه .
وقد شارك الشاعر بهذه القصيدة :
مع تر
حمدنا الله على مايكتبه من حسن تدبيره=إلـه الكون علام الخفايا رب الأربابي
عظيم الشان رب نعبده ماينعبد غيره=صبرنا في رجاه ومن رجا المعبود ماخابي
إلـه هون الكايد وساعدنا بتيسيره=وهونها وزينها بعد تبذيل الأسبابي
وسمعنا وانشرحنا والخبر جتنا تباشيره=وحضرنا واجتمعنا يوم عادو بعض لصحابي
وجينا واجتمعنا والفرح دقت مزاميره=بعد ماعاد ربي للجماعة بعض لقرابي
ورحبنا بوفد زار من ديره إلى ديره=هلا يامرحبا بربوعنا وارجال لجنابي
تراحيب تزيد وكل رجل زاد تفخيره=هلا ترحيبة من خاطر شفقان وحظابي
عدد ماهل ودان المطر وانشت شخاتيره=وعدد مالاح برق في سماه وما خظر ترابي
تراحيب نقدمها لوفد زاد تقديره=عزيزين علينا والمعزة بابها بابي
تعم رجال همدان هل الطولات والسيره=مزبنة الجلاوي متعبة من كان حرابي
إليا منه زبنهم جالي كثرت مشاويره=تريح واستراح من الهموم وخاطره طابي
تريح وسط قوم تحكم العادات والجيره=نسا همه وغمه في ذرا عكفان الأشنابي
مزبنة الدخيل اللي عليه من الزمن غيره=هل النخوات واهل المرجله شيبان واشبابي
على من زارهم سور يعدي من هواجيره=يجون لجارهم مثل الذرا ولحاف وحجابي
على من عندهم حصن قويات محاصيره=ومن جاهم مخيف بينهم ماعاد يرتابي
إليامن حل دار حددت برجال ذخيره=تريح بينهم لو يطلبه خمسين طلابي
والى من حربهم طامع عميت تباصره=قبايل عاصيه من ساسها تاطا على النابي
انا لاقلت جف الحبر ولساني وتعبيره=بمدح اللي لهم بين القبايل عد وحسابي
لكن برفع لهم بيضا على لاراض تنويره=لهم بيضا تغشوا ما رتفع من راس مرقابي
بياض يرتفع في المنطقة ويزيد تطويره=من حدود العراق إلى اليمن في عرق وهضابي
يغنيها حمام الورق ويروجع تكاسيره=على روس الغصون اليانعه في خصب لشعابي
خبرها في حميع المملكة تنشر تقاريره=ويرفعها مع صف الملاعب كل لعابي
هذا حق الرجال اللي تعز الجار وتجيره=ومن لاذ بذراها في حماه يعز ويهابي
كرامتهم علينا لازمه والصدق تبريره=نقدم من صحون الضان تو شيوخ لجنابي
مع ترحيبة عند الذي يكرم مساييره=مقر العلم لاجا فيه صداق وكذابي
محل بن حقطان طيب الوقفات والسيره=اكعام الشره لامن عضت النجد على النابي
وهو شيخ اللدام اللي يروس العلم ويديره=وزيزوم لرجبان تخلص كل لنشابي
مقيدة الجمل في الحرب لاختفت مظاهيره=اهل شلف مضاربها تعومس فيه لطبابي
حماة الشول في المخضار لاتاهت معاشيره=بزينات السحور اللي نقلها كل معطابي
ومن قوم زعيم الروم ماهابو طوابيره=حماة الغرس ماحطوا عليه أسوار وابوابي
مشو من سد مارب واخذوا الوادي لهم ديره=وهم من صلب زايد لاتبينا بالانسابي
ومن زود الكلام نشوف تقليله وتقصيره=وصلاة الله على راع الشفاعة سيد الاصحابي
وسلامتكم.
مع تحيات ....العقيد......