الشاعر ررشيد الزلامي العتيبي
اشبه بنار على علم
اليكم هذه الحكمه من حكم كبار السن...يصف بها حال الدنيا
يقول:
قالو تعلمت قلت عناد وفراسه=اعاند النفس والدنيا واصارعها
ودرست في مدرست من شيبت راسه=دنيا العنا اللي قصيفاتن مطامعها
تلميذها دايم(ن) تكتب بقررطارسه=وتعطيه جملت دروس(ن)ما يظيعها
والله عطانا نظر وشعور حساسه= ناخذ علوم المعرفه من مراجعها
ونساير الوقت ونقيسه بمقياسه=ونواجه النفس بالواقع ونقنعها
وترا حياة الفتى مهما قوى باسه=محفوفتن بالخطر والموت تابعها
من مبتدا العمر حتى يلفظ انفاسه=يمر بمرحله تكثر زوابعها
اول حياة الفتى مشوار وعساسه=مسافتن في عجاج الوقت يقطعها
وثاني حيات الفتى تدريب ودراسه=تكثرظروف الحياة وينشغل معها
واخر حياة الفتى يرجع الى ساسه=النقطه اللي بدا منها يراجعها
يرجع لسن الهرم ويظيع الطاسه=ويزحف معا الارض ويخطط شوارعها
وليا تلاقت متونه وارتخى راسه=ظاعت جميع العلوم اللي يجمعها
وسلامتكم