ياسوق الاسهم جعل ربي يجازيك=رصيد شعب المملكه راح كله
قمنا نصك الدين بالدين نرجيك= نبغاك ترفى كل نقص وخله
وعود طعن رمحك على اللي يواليك=وحطيت بكبود المواليين عله
وشلون ترضى الذل للي وثق فيك=من يمنحك كل الثقه لاتذله
نويت اروح لخادم البيت واشكيك=واشرح له الموضوع كونه يحله
حيث انه حلال العقد والشرابيك=والفزعة لطلابها عادة له
الشاعر عبدالله بن مرضي بن فهيد ال ظافر الودعاني