[معلومات العضو بدر بن سعود]

هذه قصيدة ألقيتها في المخيم الربيعي الأول للدواسر في مدينة النعيرية

حبيت أن أتشرف وأشاركــ فيها هنـا ..

كان بودي أن يكون هذا الجمع من زمان ولكن قدّر الله وماشاء فعل

وعلى أي حال ومن هذا الجمع الكريم فقد روت ضلوعي
وانتعش عشبي وزهى بوصال لابتي وأهلي ..


أسأل الله العلي العظيم أن يجعل شملنا مباركاً وقويّاً يدً بيد متحابين فيه ’’

وكما جمعنا هنا وهناكــ ،،
نسأله جل في علاه أن يظلنا بظله يوم لاظل إلا ظله
وأن يجمعنا في الفردوس الأعلى من الجنه / اللهم آمين ..

ولاننسى بدعائنا لأخي وإبن عمي الشيخ الفاضل عبداللطيف بن سعد الودعاني

باركـــ الله فيه وكثر الله خيره وسدد خطاه وأن يطيل في عمره على طاعته ..

اللهم آمين ،، اللهم آمين ،، اللهم آمين ..


إليكم القصيدة ..

يحتضر شوقي يبيكم ينتظر رشة سحابه = جفّت اضلوعي تنادي مزن همال(ن) سكايب
تصرخ الدمعه تناغي بس شبعت امن الصبابه = لكن الشوق ابوصلكم تنتعش فيه العشايب
يَخْضَرَ العشب ابنداكم يبتهج نور(ن) زهى به = خل قصايدنا تناشد ترجمة روح الهبايب
ياقصيدي قم تباهى وانشد انشادك مهابه = لجلِ ربع(ن) صيتهم علّلا على هامِ السحايب
ارحبو في عينِ معشوق(ن) لكم كله رحابه = من تضيق العين فيكم يتسع صدري رحايب
أفرش بصدري مجالس كلها لأهل القرابه = قم تفاول ثم تقهوى كلنا اهل ونسايب
احمس ابصدري دلال(ن) ريحها هيل(ن) سطى به = اسكب ادلالي مباهير(ن) تبدّي شيخٍ شايب
اتّسابق كل فناجيلي على أهل النجابه = الدّواسر لابتي أهل الفضايل فالنوايب
اجتمعنا في تكاتف نعذر الغايب غيابه = في لقانا نتحد وتوثق اللقيا القرايب
قربكم يشفي صدور(ن) لو بدت فيها عيابه = قربكم يسعد نفوس(ن) لوطغت فيها النحايب
جيتكم من دارِ بوسلمانِ باب الجود بابه = حامي البحرين من درك المهالك فالمصايب
هو مَجَدها هو سَنَدها ربي يحفظ له جنابه = جيتكم أردف سلام(ن) من هالزلاق طايب
جيت لبلاد السلاطين احمل اشواقِ ابذرابه = جيت لاهلي دار بومتعب عزيزين الوهايب
دارِ عزْها من أهلها عزّها الكل أعتزابه = فيهم اهلي لاد زايد من مداد اهل النجايب
فيهم اهلي لاد تغلب هم على راسي عصابه = الدواسر كلهم يد(ن) بيد(ن) في العصايب
ذكرهم مثل الشعاع اللي يشق بطن السحابه = لابة(ن) في مَجْدَها شبت معاركها لهايب
أنشد الأمجاد عنهم شامخين اعلا هضابه = أسئل التاريخ عنهم هم رقو فوق الهضايب
جارهم من فعلهم بانت على عينه غرابه = يومِ مدو جارهم دية جدار(ن) كان عايب
الدواسر سيف كلْ من يعتزي به ينتخابه = في حروب(ن) جمعتهم شتتت ناس(ن) غرايب
الدواسر هم بواسل لابرق سيفه ونابه = في معارك جمعتهم فرّقت حاسد وخايب
ياعسى ناس(ن) تولت في جنان الله مآبه = في جنان(ن) مع هل التوحيد فيها الكل ثايب
جيت أردف مرحبا يامرحبا لاهل القرابه = من ابوي أللي تحدر من نسل قومِ الصهايب
ياعسى من لم هذا الشمل أجر(ن) في حسابه = بوسعد راعي المثايل لابته أهل الكسايب
وانتو يا أهل الحضور ربي يثيبكم من ثوابه = ربي يجزل فـ العطايا مبعد(ن) كل النوايب
بختصر بيت القصيد في كلمتين ماهي دُعابه = في لقاكم يبتهج صدري تسابقني الرحايب

وسلامتكم ..


اخوكم / بدر بن سعود العجالين الدوسري


مملكة البحرين