::: مـنتدى قبيلـة الـدواسـر الـرسمي ::: - عرض مشاركة واحدة

**معلومات** **العضو** · 02-02-2006, 10:54 AM

اقتباس:

المشاركة الأصلية كتبت بواسطة مخاوي سهاد

اسبق عقارب ساعتي لجل لقياك=واطوي مسافات الوله لجل الاقيك
مااشعربصدق العشرة الابلاماك=ياللي ملكت القلب والقلب هاويك
جيتك وقلبي غايته دايم رضاك=احمل غلاك بداخل الروح وافديك
جيتك وانا مدري وش اسباب جفواك=جيتك وحلمي بس لحظة اناجيك
واسيرسهْم عيونك السود لاجاك=اطلق سراح معذبٍ جاك ناصيك
الى متى يازين وانا اترجاك=راحت حياتي ياحياتي وانا ارجيك
مهما جفيت ورحت وابعدت مااجفاك=ولاجى على بالي دقيقة اجافيك
اموت واحيا في محبتك واهواك=لاشك ماترحم عشيرٍ مصافيك
عايش على حبك وطيفك وذكراك=ويفز قلبه كل ماحل طاريك
ابشتكيلك منْك والوذ بحماك=واستعطفك واسترحمك والتجي فيك
ابسبقك وابتبعك واتحراك=واستقبلك لاجيت وافرح واحييك
مقدراعيش العمر لحظة بلياك=مقدرعلى وصلك ولااقدر اخليك
تبي الحقيقة حيل عيني تمناك=وغصبٍ قلبي يحبك ويغليك
وطيورشوق مخاوي سهاد تنخاك=حزينةٍ مهزومةٍ بين اياديك

الشاعر : مخاوي سهاد

بدعت فأبدعت وكتبت فأقنعت

لله درك والله يعينك على معاناتاك

وبيض الله وجهك وصح الله لسانك ملايييييييييييييييين

واصل الأبداع وأترك لنا الأستمتاع

تحياتي العطره

محبك ومحب الجميع : دغش البطي