هذه قصيدة للشاعر زيد بن سعد الحميضي قالها في حفل زواج الأستاذ : |
عبدالله بن فهد الهراثمة الشكرة |
طاري العرس هيضني وحرك شعوري= والهواجيس ولت والطرب فج بابـه
يـاهموم الدهر عني تنحي وغوري= واقبلي ياخيول الشعر مدري ركابه.
موعد الحـفـل حل وله بجهـز اموري=مابعد دعوه الداعي ياكود الاجابه
ناصر في زواج اخوه يطلب حظـوري= نظرته عاليه وانا على الي هقـابـه.
جيت والـراس مرفوع وامثل لدوري=شاعر عن هل المنقود يحمي جوابه.
جيت ابارك لعبدالله وانـا به فخوري=وفق الله مسيره واسعد الله شبابه.
والتحيه اقدمها مانيب معذووري= للمسايير وضيووف كرام وقرابه
مرحبا بالجميع ونوركم زاد نوري= والتراحيب اقدمها لكم بالنيابة
وقفتي في فرحكم من دواعي سروري=يا عيال ابن ناصر طيب الله ترابه.
جعل ذنب جناه او ماجناه مغفووري= منزله في نعيم وفي جوار الصحابه.
يالـيحيا نباكم طيب ومخبوووري=في الكرم والحمية والوفا واللبابه
لاد هرثوم من ماض السلف والعصوري= لابة سعد منهم محزم له ولابه
البنادق عليهـم فالـوغا مـاتثوري= يدحمون المحاجي والخطر ماتهابه
والدواسر بني عمي طوال الشبوري= يوم وقت الحرايب جمعهم يندهابه
جمعهم لاتكبر مثل موج البحوري= رايه العز رايتهم على كل لابه
والقبايل ترى ماقول فيهم قصوري= كل وافي عن الزلات يكرم جنابه