[معلومات العضو حفيد الأمراء]

قصيده لشاعر الجزاله

الشاعر الفحل سعد بن سويحل الخضران

يمدح آل حزام العجالين

يقول فيها

1)الشعر له عندي مقر وتمكين
شعر مثل وصف الزلازل رعوده

2)امس معنى القاف بالبيت ويزين
وعلى الجزاله مثبتات بنوده

3)الشعر عندي مثل وصف البراكين
او وصف جيش بالمعارك حشوده

4)جيش اخو نوره يوم غزوا الخبيثين
حرر كويت العرب واثبت صموده

5)واشوف لي ناس من الغيض شرهين
وكلن على ماقيل يلزم حدوده

6)حنا عرب منا من الهند والصين
والي سهى يركع ويكمل سجوده

7)حنا هل السنه وبالهدي ماشين
والرافضي بالعيد يلطم خدوده

8)وانا وفين للرجال الوفيين
وكلن على ماقيل يثبت وجوده

9)ماني اقول الشعر وامشي بوجهين
وترا الردي مااهتم بنقصه وزوده

10)يالي تجي الافلاج عندي عناوين
انصى آل حزام والعلوم محموده

11)المدح فيهم من قديم وهالحين
وراعي الركايب قال مدحه بزوده

12)يمدح حزام والقصايد براهين
والمدح فيهم دوم يرقى سنوده


13)لاضاقت الدنيا وشفت الأمرين
ولاجيت لبو حزام شفنا سعوده

14)الشيخ يعرف بالمواقف من سنين
عند الجماعه بينات جهوده

15)ولاقام يبين ويجعم الخصم ويلين
واحلى من الغند المصفى ركوده

16)المركز الي ثبتوه العزيزين
تحت العلم ومولعات عقوده

17)المجلس الي بين خضر البساتين
المجلس الي ضايق من وفوده

18)يجون يمه مثل وردن محيمين
هذا يروح وذاك عقبه يروده


19))هذا الكلام الي عليه المظامين
والسيل يركد لاتعرض نفوده