الاخوان الكرام أعضاء منتدى الدواسر ( عيال زايد )
السلام عليكم ورحمة الله وبركاته
اما بعد
يشرفني انضمامي لمنتداكم العزيز ولي الفخر والشرف بمعرفتكم وهي
المكسب
مشاركتي الاولى قصيدة للشاعر هادي الحبابي ورد الشاعر مطحس المسعري
البدايه :
الحبابي
سلام مني على كل الدواسر عموم - الي على الطيب فزعتهم يحبونها
يبو حمد ودنا منك ابعض العلوم - لايام طالت ولو منتوا تحسبونها
وشعيل حمله على ضهره وعيا يقوم - حمله ثقيل وبه ارجالن يشلونها
يامطحس اسهيل واضح بين كل النجوم - يوم الرجال ابهقاويها ايسرونها
محتاج للمسعري لنه كفو وعزوم - والطايله دايمن ربعه يرودونها
ياجعلني فالشدايد ماأعتزي بالرخوم - ولا أعتزي غير بشيوخن يحلونها
والله لو ما جملت أنك رفيق أمحشوم - فأن حاجتي ماأعتذر شرواك من دونها
رد الشاعر مطحس
يامرحبا ياعزيز الجاه نسل القروم - الي دروب الوفا والجود يمشونها
ياعزوتن طيبها فالوقت غير امعدوم - اليا نصتها الضيوف أتملي أصحونها
ساس العرب ذخر من جا في نحور السهوم - أرواحهم فاللقا دونه يبيعونها
ياصاحبي يالحبابي لاتشيل الهموم - مادام روحي على الدنيا يطرونها
لا تحسبني نسيتك لا, ومنشي الغيوم - أن ماتريده على روحي من أديونها
الحاجه الي ورى قومن تلد الخصوم - منها صدور الرجال ايبيح مكنونها
لكن فرج ربنا نتناه في كل يوم - وعزوم الأجواد تدرك غاية أضنونها
من شان مطلب جنابك لو نبيع الهدوم - تفداك روح ٍ تشيل العز فحصونها
وسلامتكم جميع ..