صح لسانك يابو شالح قصيده جزله من شاعر مبدع
و عظم الله أجرك و أجرنا جميعاً
والله يرحم الامير نايف عز الله انه فقيده
وياليت انه سمع قصيدتي فيه وهو حي
امشي على الهون لا همن ولا خايف=مخلي يدي كود بالجوال والسبحه
ومن خليج العرب لين ادخل الطايف=الليل كله ايلين الفجر في صبحه
يا بيّض الله وجه اميرنا نايف=للامن قايد وزير(ن) عالين شبحه
مادام يبقا لنا حيّن فنا كايف=ولا همنا اللي عوى واللي كثر نبحه
ومن كان يبغي يروعنا رجع عايف=يلقا اوسود(ن) مدربتن على كبحه
وان عادها مثل الاعمى ماهو ابشايف=ياكود قولت هلابك حل في ذبحه
في مدح نايف كلامي ماهو ابزايف=ياحظ قافي وياسعده وياربحه
وسلامت الجميع .......