[معلومات العضو يحيى الودعاني]

	بسم الله الرحمن الرحيم الشاعر / مبارك بن مويم بن راكان الودعاني الدوسري له هذه النصيحة القيمة لأخيه : يا خوي أنا بوصيك من حب لاماك = نصيحة من القلب تهدي لغالي رفيقك اللي في المهمات شاكاك = لا تنحسه لو شفت منه الخمالي إصبر عليه وغم به جملة أعداك = حتاه ينقل منك بعض الثقالي و يجي معك في الضيق لاحا مناداك = مثل اليمين إتشيل معها الشمالي ولا تخلي الصاحب الشره يالاك = رده من العيلات رد النهالي إشرب معه من ماه لا جاء يبي ماك = لين الدلي تحتك مع كل جالي وبنت الردي لو كان بالمال ترفاك = ترا نسبها مثل حرفٍ هيالي دور لبنت إمجربٍ و أخت شرواك = لو كان ما يعجبك فيها جمالي يأتي ولدها كنه النمر يبراك = يقدم إذا شاف الخطاء ما يمالي عز المجاني عالي مثل مجناك = وفخر النسب ياخوي عز الرجالي واخير مانختم عسى الرب يهداك = ولا يخيب فيك كل الرجالي واحة الشعر الشعبي ج/ 2 عبدالله بن حمير بن سابر الدوسري