السحاب الي تلوا في السما له في سحابه=لين ثجت مزنها ولا وصل للقاع ماها
ليتها يوم ازتزمت وانتحت والا انتحا به=من مشارق غيهبين والطواري في حياها
واستمالت من شمال الي جنوب بكل وابه=واغدقت قاع سقاها الله سقاها الا رعاها
ماسرت بي في الطريق الي يظيع من مشا به=قبل ماتظحك ثنايا القوم وانا ظحك علاها
لين قابلتك اتلج الصدر يوم اغلقت بابه=وصدمتني عاصفت لفكار من لاها الاها
ياصبي يوم الرجال اشناب والدنيا مجابه=مانحنينا عن شماريخ النوايف لي وطاها
ولا دفنا في عيون الوقت والدنيا نهابه=غير نشبع جرهدي البيد من مرهف شباها
وكم طرقنا تختخ قفر تعاوا به ذيابه=والخطر جم وشرايين الزمن قطعت اعراها
جعل مارزقي هبابي يوم غيري له هبابه=والرجال الي تجود تجود مما الله عطاهأ
الله يرحم من يحب ويغفر وينزل ثوابه=والقلوب المصديه عسا الله لا يرحم صداها
كانها جات ابتجماعك معا نفرة عصابه=فالعقول التالفه تذهب اويلحقها سداها
والقصور الشامخه من مابها صارت خرابه=والرقاب العلط حتآ لو احنا اطلقنا يداها
فدام راسي لي نوا شي يجيب الي نوا به=ودام عظم الساق لي سقته توجه في نحاها
فالفيافي مارد حيام الظمي ولكل دابه=مارد والناس تارد مير مايروا ظماها
وانت يالي تسحب الموال وتجر الربابه=مادريت اني شقي عاد بقعا في صباها
لودريت اني مظيع حقبة سنين تشابه=ولو عرفت ان الرجال اتموت بعيون اقرباها
ولوعرفت ولو عرفت ان الرجل باول شبابه=تخطفه افكاره الهوجا ويغرق في غباها
ولو فهمت ان الزمن لو لان لي حظرة جنابه=كان مابه حاجة اللقلب ينخا مايباها
وكان نوخت الجمال الزور والدنيا خرابه=وكان ماخليت نفسي تحتمل ظعفي عباها
بس خذها في الصميم ولو حديد الناب نابه=مانكسر مابه طريق صد عنها ماحباها
الرجل لو هو عيوب وراس ماله في حسابه=مانعده للسنين العوج لي جانا وباها
البحر لا لا يغرك في هدوه وانسيابه=والفكر لو ماتجود ابما تجود افنعنباها
وجعل مارزقي هبابي يوم غيري له هبابه=والرجال الي تجود تجود مما الله عطاهأ
الله يرحم من يحب ويغفر وينزل ثوابه=والقلوب المصديه عسا الله لا يرحم صداها
اخوكم فلاح ال عمر اليامي