السلام عليكم ورحمة الله وبركاته:
اسعد الله أوقاتكم بالخير والمسرات
هناك قصائد تعلق في الذاكرة لجمالها وقوتها وموضوعها الذي تكلمت عنه
والوالدين لهم قيمة عظيمة في حياتنا جميعاً
والشعراء كثر اللذين تطرقوا للوالدين سواء رثاء او مدح أو غيره
ومما دعاني لكتابة هذا الموضوع هو أبيات جميلة لشاعرين مميزين الأول هو الشاعر دسمان بن مناحي السبيعي حيث كان مرافق مع والده بالمستشفى في غيبوبة وقد طالت هذه الغيبوبة ، وفي يوم من الأيام سمع دسمان والده ينادي بقوله " دسمااااااااان " مما جعله يقول هذه الأبيات الجميلة:
لبيـك لبيـك ياصـوت يناديـنـي
لبيك من بـدة القاصيـن والدانـي
لبيـك لبيـك مـن قلبـي ملايينـي
لبيـك لبيـك ثـم لبيـك بلسانـي
ماهوب لبيـك ياصـوت المزايينـي
لبيك ياصوت ابويـه يـوم نادانـي
كفي لك فراش ولحافك هدب عينـي
مادام انا حـي تامرنـي وتنهانـي
يابوي مافيه شـى عنـك يلهينـي
طاعتك من طاعه اللي سن الاحساني
ان مت قبلي بكيتك ليـن توحينـي
وان مت قبلك فلا تبكي علي شانـي
والشاعر الآخر هو شاعرنا نايف بن مسرع " ابو عبدالعزيز " وقد قال أبيات سابقة تعتبر من وجهة نظرري من أجمل الأبيات في بر الوالدين يقول:
ياللي ملكت قلوب ربعك وعانيك
راع الكرم والطيب مافيه شكا
لاحل ّ من بين الرياجيل طاريك
زكوك ياللي بالمدايح مزكا
وانا ليا حلّ البياض بنواصيك
يابوي من جور الزمن لاتشكا
أما اعتبرني وحدة ٍ من مواطيك
ولا عصاك إللي عليها توكا
ختاماً ..
أسأل الله أن يرزقنا بر والدينا أحياء وأموات.
ولكم ودي وتقديري ،،،،