[معلومات العضو حرآير]

آبكـي على الاطلال من زيـن الاطلال
اللي على مـر المدامع حـدتني
احـزان ترسم دنيتي قيـض و ظـلال
واوهـام في درب العنـا توّهتـني
وآن قلت ابنـسى طوّلت ضيقة البـال
وان قلت آعاتب بالسكـوت احتوتني
امشي على قانوني اللي صـبر نـال
واضحك بوجه الكايـده لا كوتـني ؛
ولا قـول ياربي متى الحـزن ينجـال
ولا قول حزات الشقـا عذّبتـني
دنيـاي دواره ومن حـال لي حـال
دوم اتّغـير بس ماغيّـرتني
(مازال حلمي حـي و عزومـي جبـال
وهبـة رياح اليـاس ماعوّقتـني)
ولازال لي قلـبٍ على الضيق حمّـال
ضاري على فوج الهمـوم ان لفـتني
ولي صبر وافي بالمواقيـف رجّـال
يفزع بوقفاتـه ليا كـلّ متني
ولي دمع يمطـر تالي الليـل همّـال
يغسـل همومٍ بالصـدر ضيّقتـني
(ولي ضحكةٍ ادبـل بهاْ كبـود عـذّال
يـاما على قـل الموارد عطتـني)
ولي طيـب يدمح طعنـة الغدر فالحـال
مـادامها بيديـن الاحباب جتـني
الجـرح منسـي والتناهيد مـوال
والحـزن عابـر والخساير طوتـني
حتى اليقـين اللي لبس ظـني و زال
قال : الهقـاوي فيـك ماجمّلـتني
كل المشـاعر شرّعت باب الامـال
من جـودها و موجـودها ضيّفتـني
وكل الظـروف تهون في ظل الاطـلال
اللـي على مر المدامـع حدتـني