شاعر كبير ينتمى لفخذ المخاريم من الدواسر هل المعتلا صاحب البيت المعروف
ماهمني شرما توقف على المحجار.....وانا طير قرناسن على الحجر اوزيها
له رديات بينه وبين الاعر الدندان عبدالله الرجباني رحمه الله
تبدأ القصيده الاولى على الشريط بنخوة المخاريم لاد المنيعي كنايه بجدهم الاول::
يقول ابن بتلا:
يقول:
المنيعي والذي هيض الغنا= من عيلم غزر وانا قفل بابها
كن القوارع يوم عدلت قافها= فقر مع بطحا يفوح اقتلابها
ابني على ما ارى قد خاطري= واقلامي ولساني وقلبي كتابها
من عقب ذا ياراكب عيدهيه= وقم السدس ولا مظاهير نابها
ركابها ظفر دليل ليا هرج= وان حيل بالحيلات يقطع عقابها
تلفى لنا شيخ الظمانين ظافر= عطنا كلامه واسرعو بنقلابها
قل له تعدايه يبي ورث جدنا= هو عمد كلامه ولا غرة مادرى به
فان كان ذا جهل عذرنا جهلهم= وديارنا متعاذره هم جنابها
وهذه قصيدة حربيه لابن يتلا ردا على احد شعراء سبيع اللي قال:والله حنا ندور راعي العنه مير جافي المدراك واحدن ثاني
فرد ابن بتلا بهذه الحربيه:
يانديبي على اللي باقل سنه= شامخ الناب ماجا فيه ضيخاني
نصه اللي يدور على راعي العنه= عدنا واحدن ماحنا بشتاني
يحسب خضير انه سلم له ونه= مابعد قر لها في الكليل ميزاني
صيدته شايب قل الجهد منه= لاغرير قضوا به نوب عجزاني
وصيدنا كل غمر وافي فنه= مصلط واب هايف ذيب الاقراني
بار مجلسهم اللي كان له رنه= واهجرن النظايف عقب مازاني
والله لولا اليمام وقطعت السنه= مانساير ربيعة فيه حقاني
سارق قد نواه البوق والمنه= في منيحه نوى المطموع خناني
وحنا سكنها بكل مضيق ومدنه= مانحسب ليا زادت بالاثماني
من بغى الشرع واحكامه يثيبنه= اخذ حقه وصار الروح مجاني
كون يجعل نهار يقتبس عنه= قر حقه وجا للحكم ميداني
يالنشاما قتيل الحق بالجنه= رصخ حدودها فان كل شي فاني
كل حمل ثقيل مايشيلنه= كون ربع توطي كل شيطاني
_-------------------------------------------------\\
قصيدة اخرى يقول ابن يتلا:
يوم تشرون الفشق ويش فيه من اللزوم= كون يشرى لابدت حاجته يقضى بها
كون يذخر في نهار عسى حظه يقوم= قايم معنا ليا ما اقتبس مشهابهـــــا
ديرتن مادون حدانها واهج سموم= مازكت ملك ولا زيد كل هابهــــــــــــــا
والله لو ان السما ماعليها شمسه غيوم= مانساير حق حدانها طلابهــــــــــــــــــا
_------------------------------------------------------------------
المصدر كتاب البدوي الاخير للكاتب الهولندي مارسيل كوبر شوك
السفير الهولندي في باكستان حاليا
وبكمل الموضوع بعد كم يوم