يلعبي الطيف لعب الريح بالراكه =لاهب صلف الهوى مالت مطارقها
ليلٍ سريته وضاعت شعة افلاكه=عسى الاماني بعيني لاح بارقها
ياما نسوق القدم في ظلمة احلاكه = في درب لاماك طيف الشوق سابقها
امر على ماتبي والي بقى هاكه = خذها هديه غلا لوكان سارقها
الليل حلمه يبرد جاش ملاكه = تسري مع لذته والصبح لاحقها
اللي سرى في طريقك وقف وحاكه =يترك ثمر شجرة مازان وارقها
قله سهوم الهوى تسطي وفتاكه =سود الليالي يروع القلب طارقها
ندري جميع البشر تجهل وشكاكه = مير انت لك صورة في عين عاشقها
سكرت بيت الهوى وغلقت شباكه =وعانقت لي رغبة والشوق عانقها
ياويل ناس على الاعراض هتاكه =تنفخ على النار والكبريت عالقها
قوم عن البذل والاحسان مساكه = مع مسلك التئه تتببع درب ناعقها
كبيرهم يطعم العالم بمسواكه = نفسه من الطيش تنسى فرض خالقها
كم من لحم مؤمن في غرته لاكه =ناس مع ابليس كم تاكل ملاعقها
لو صام لليله صباحه يجرح امساكه = يعيش في ضلمتٍ والصبح فالقها