يالله ياسامع دعـا مـن يناجيـك
يافارج الضيقات منجي دخيلـك
يسألك عبدٍ ميقـنٍ بالرجـا فيـك
أنت الامل والملتجـى والتجيلـك
ونت الكريم الي اكثارٍ حسانيـك
نطلبـك وفقنـا لمنهـج سبيلـك
يالادمي لو شفت حيك وغاليـك
الي تعدى صوب جارك يجيلـك
يومٍ فرح وتعيش بذكار ماضيـك
ويوماً من الدنيا سريـع رحيلـك
يبقى عزيزك بالزرق الدمع باكيك
وقبله بكيت من الحبايب خليلـك
سكناك بيت دون باب وشبابيـك
اقرب قريب لك البيتـك يشيلـك
لو كان بعلا الصوت ناداك داعيك
ماتسمعه والـي عملتـه نزيلـك
سنة حياة وماوطى الناس واطيك
ماقـدره رب الخلائـق يجيلـك
اصلح معا مجري الهايب مساعيك
من شان تفرح يوم تلقى حصيلك