السلام عليكم ورحمة الله وبركاته
اخواني الاعزاء من لايشكر الناس لايشكره الله وهذه ابيات في
النقيب محمد بن حطيم الشكره . وقف معي وقفت اخ لاخية والله يكتب لنا رد الجميل
في مدح همات المراجل هل الصيت=يرهي خيالي بالبيوت الفرايد
ينساق قاف البيت في ساقت البيت=وجيب جزلات الدرر والقصايد
يامحمد بن حطيم وفّيت وفّيت=طيبك على سيسان والفعل كايد
جمايلك ماتنحصر لو تحاكيت=كايد وفي كسب الجزيلات رايد
لكم على كسب الجزيلات توقيت=وهل العوايد ماتخون العوايد
من لاد شكر موسعة درفت البيت=اهل الكرم يوم الليالي زهايد
وهل الثناء وهل النباء لاتنبيت=وهل الوفاء يوم السنين الشدايد
قوما عصاة وفي المعارك طواغيت=وتاريخكم مالفقته الجرايد
خيالة الحرشاء هل الفعل والصيت=نزالت القفر المخيف المحايد
يردون ميراد المحنك على هيت =لاولعت نار الحرايب وقايد
ولا انت يابن حطيم وفّيت وفّيت= طيبك على سيسان والفعل كايد
عزالله انك يبيض الوجه كفيت =فعلك على فعلك المخاليق زايد