[معلومات العضو عامر النتيفات]

الاخوه الاعزاء مشرفي شعراء المنتدى
اولا اعانكم الله على تنسيق قصائدي كالعاده

ثانيا تلك ابيات تعبر عن نفسها

توهج قصيد المنتدى ماغدى جذاب=بدا في الخفوت ولا غدى يجذب الساري
بيوت تكرر والقصيد المؤثر غاب= وجل القصايد ما غدت تطرب القــــاري
ومن شك في قولي يحسب الردود حساب= يقارن عددها مع عدد من لهازاري
يلاقي الاجابه مقنعه دونما استغراب=ويدرك حقيقه ما نقوله من افكاري
ورجل يقول بدون برهان مهما جاب= من القول قوله نقص ما لد الانظاري
وكتاب بلاعنوان ماياصل الاصحاب =كما من سلك له درب مهوب به داري
كذا الشاعر اللي يكتب الشعر دون اسباب= قصيده يتوه و لو تجاوز لملياري
وهذا من اسباب التدني بدون عتاب = اشوفه هنا وهناك وابديه ما حتاري
ولا اجامل برايي ولا اخشى سوى الوهاب=وكل العرب مثلي لهم راي واشواري
ابقول رايي وطرحه كان نال اعجاب= هل العرف ولا ماني ابايع وشاري
انا همي ارضي بالقصايد اولي الالباب = ومن قبلهم ارضي بها الخالق الباري
وساهم بها في نفع مسلم وفك انشاب=وللدين قسم وللوطن قسم باشعاري
هذي اهم شي ولا اعتقد دونها مجناب= ولا غيرها عادي الى ابديت معذاري
واذا كل شاعر خصصه له وللاقراب= فمن للبقيه لاجراء عندهم جــــاري
ما كل البشر شعار لا صادفتها اصعاب=تقول وتعبر بالقوافي لما صاري
ظروف البشر ماهي سوا شيبهم وشباب=تغير ويوم تزين وايام (ن)امراري
اذا الشعر ما ساير ظروف الحياه وغاب=فيا قل فيده للملا وان نظم طاري
يزين الشعر ويطيب ويصير طب اطباب=لاجاك امتنوع محتوي كل الاثماري
وكل حسب شفه يجني من الثمر ماطاب=حسب مايناسب ذوقه ووضعه الجاري
وتراالقصد من قافي كما ال ماطر الصباب=يشوق العرب يمه وتزداد الاسفاري