السلام عليكم ورحمة الله وبركاته
احدى القصائد التي قيلت في صاحب المواقف العظيمه
الشيخ/ عمر بن محمد بن خشنان المخاريم الدوسري ((عوضين))
حيث ان (ابو فهد) رجل جمع بين الكرم و المعرفه والإصلاح بين الناس بجاهه وماله
وله مواقف مشرفه ومساهمات في اعتاق الرقاب فعسى الله ان يجزيه و يزيده خير.
القصيده للشاعر/ نواف بن عبدالعزيز بن رازن العتيبي
ومن آداء/ سعود الدلبحي العتيبي
عسى السحاب اللي من الغرب حادر=يفضح سنا برقه دجى ظلمة الليل
إذا تعلا عالية نجد بادر =وحن ارعده واسبل سحابه هماليل
والأوديه قامت بسيله تهادر=واد الرشا سيله تعداء الغراميل
وادٍ ربيعه جا لعشبه بوادر=وجته الجهام الضافيات المسابيل
في ظف شيخ عن هذا الجيل نادر=شيخ طلع بالمرجله طلعة سهيل
راع المضيف اللي به البن خادر =ومكرم الضيفان بالحشو والحيل
النادر اللي من سلالة نوادر=لابة (مخاريم) سمو بالمفاعيل
إليا نزل ولا من الدار غادر=محل تقدير الرجال المشاكيل
كم واحد جاله يدينه قوادر=فقير ماله غير قوته محاصيل
وأصبح غني يشبه كبار الكوادر=وبعد العدم ديوان بيته مداهيل
(عمر) لاجا للعلم وارد وصادر=وفترت مع المده عزوم الرياجيل
من غير( ابن خشنان) للحل قادر=بالجاه ولا المال ولا المداخيل
علم موكد من جميع المصادر=ان عدو زحول الرجال الحلاحيل
وهذا اللذي بالمدح والطيب جادر=يستاهل التمجيد جمله وتفصيل
عسى فداه من البشر كل غادر=يفدون كساب الثنا والتنافيل
ومدام للمعروف والطيب كادر=(ابو فهد) رمز الوفا نادر الجيل
تقبلوا تحياتي