[معلومات العضو مسفر جمعان الصفا]

يالغاليه كان الهوى له في خفوقك منزله = لاتحرمين العاشق الولهان لذات الغرام
شاعر وباكتب في هواك اعذب قصيدي واجمله = واشرح لك احساس الخفوق اللي تغشاه الهيام
انتي بدنيا العاشقين اتلا غرامي واوله = يالذةٍ ما بعدها فالعمر لذه ونسجام
ماتبت من حبك ولكني ذهلت وتبتله = وعلى غصون القلب تعزف لك عصافير الغرام
ياقصى طموحي فالهوى واسمى مقامات الوله = الحب بعدك يامنى قلبي على قلبي حرام
انتي وانا عشنا حكايات الغرام المذهله = وان كان فرقنا القدر ما يلحقك مني ملام
وعسى الفرج يالغاليه بأيامنا اللي مقبله = وتعود ذكرى حبنا الماضي موده واحترام
وان كان دار بْنا الفلك عكس اتجاه البوصله = الحظ عمره ما يعاند فالحياه الا الكرام
وهذي بروق الاجوبه تكشف غموض الاسئله = وتنثر من انوار الامل مايكشف اسرار الظلام
وانا ولو بيديني احلّ الامور المعضله = مأقول بأحرّم حلال الحب واحّل الحرام
لكن ليا اصبح عشق بعض الناس عار ومهزله = عنه اتجنب واتعلا معْ رفيعين المقام
وعسى الفرج يالغاليه بايّامنا اللي مقبله = وتعود ذكرى حبنا الماضي موده واحترام