مساء الخير للجميع يسرني أن أكون عضو في هذا المنتدى
الشامخ بأسم القبيلة وأنا أخوكم الشاعر / برق الوسمي
أتفدم بالشكر للأخ ( ودعاني 502 ) على نشر بعض قصائدي
وأول مشاركة غزلية آمل أن تحوز على رضاكم:
لاتمادى ياأريش العين في طول الغياب
التغلي منك والصد والهجر أتركــــــــــه
لامتى يازين وأنا مشــــــــاريه وعتـــــاب
وأنت من سوالي بضحكة الود أشركة
ماهقيت أن آخر الحب في بعدك عذاب
لين شفتك حلم فايت من الصعب أدركه
راحت ألأيام ماوصلني منك جــــــــــواب
بس حبك باقي له على القلب أحــــــــركه
ويش يفيدك دمع عين على الخدين ذاب
ساقها جفن من الحزن ماغير أعـــــــــركه
الجمل مادام يقدر على شيل الصــعاب
مارغا وأن طاح يبطي وهو في مبركـــــــه
عبر ألكلمة على هونك بعين الصــــواب
وفك باب يسمح الوصل وأنه المعــــــــركه
راح عمري في رجا اليأس عله وكتآب
أشهد أن بعض التولاع مـــافيه أبركــــــــه
وسلامتكم جميع أخوكم الشاعر/ برق الوسمي