يالطيف الروح قلي وش جرى
ماهقيت تصد عن عيني بعيد
والله آن جيبي من البعد آنفرى
وافرك كفوفي من الحزن الشديد
والله آن دمعي على خدي جرى
وآنت في جرحي وهجرآني تزيد
والله آن قلبي على نار آحترى
يروي عروقه بوصلك والوريد
لاهين عني وقلبك مادرى
عزي لحالي من الفرقا وحيد
ليت ذآكرتك تعود بك ورى
يوم ذآك الحب عندي يوم عيد
مالكن قلبي وف الحب آخشرى
كن قلبي والجوارح لك عبيد
بيننا ياسيد روحي وش طرى
كثر هجراني وجرحي مايفيد
ياشديد القلب حبك ماسرى
مانوى قلبي يلزه لشديد
ياحبيبي مد لي وصلك ترى
آنت راس المال عندي والرصيد
ضامين وصلك وجرحي مابرى
آجبر الخاطر بنظره من بعيد
ميت الاحساس فيني لو يرى
لان قلبه لو قلبه شديدن من حديد