[معلومات العضو فارس الدبالين]

السلام عليكم .. اسعد الله جميع اوقاتكم جميع

متواضعه واتمنى ترتقي لذائقتكم

ياهاجسي خابرك جزل العطايا=تروي عروقن ممحله شفّها مي
قد لي شهر مرهي عليه ضمايا=زودن عليه اسبوع ماشفتنا في
ياهاجسي عبر بما في الخفايا=قامت تروح بي الهواجيس وتجي
من حاجتن سوة بقلبي سوايا=تكوي وكنها فالصدر تنجح الكي
والله مازود عليّ الكوايا=ياكود صداة الرجال اسرفت في
ياصاحبي يانسل روس الدهايا=العلم وشهو والسواليف وشهي
ياصاحبي وشفيك تعْمد جفايا=والله مخبر حاصلن بيننا شي
اشره على الطيب كريم السجايا=الطيب اللي فالمواجب كما الضي
والا الرخوم مدورين الحكايا=عنهم عزيز النفس مادمتنا حي
فان جاك يالمنعور منا خطايا=ابشر بحقن وافين لك ومرضي
وان كانك بصدك حدتك الحدايا=ابشر برجلن فالمعاسير يشفي
وان كانك بدنياك منتب معايا=فانا اشهد ان الوصل حزاة معمي
وياهملالي صدق ياهملايا=ان كانني مع ضيعة العلم مقفي
ياصاحبي وضح عميق النوايا=انا على وصل المطاليق مشفي
اما تخليني كذا في عنايا=ترا سواة الصد مامثلها ذي