[معلومات العضو بناخي الخلاوي]

اطوع الصعبة علـى ساحـة القـاف=وابسط يمينـي فـي مداهـا طويلـه
واكتب حسين القاف وابعد عن الهاف=ماشاقنـي بيـت حروفـه هزيـلـه
اسبح بحور الشعر والفكـر مجـداف=وارسي كمـا ترسـي جبـال ثقيلـه
واجمع محار العز واكـب الاصـداف=وانسج حروف المفـردات الجميلـه
حتى يجي شعري على روس الاشراف=ذيب قنـب بالليـل تسمـع عويلـه
في غاية يسعـى لهـا كـل عـراف=ولاشوقـت سـود القلـوب الذليلـه
لا ماكتبت الشعر ابا صـورة غـلاف=ولا أبيه تمدحنـي ضعـوف القبيلـه
ابيه نجـم لاأظلـم الليـل ينشـاف=يبقـا علـى روس الخلايـق دليلـه
وابيه غيـث لانـزل كـل مشـراف=يروي عطش كل الحـزوم المحيلـه
لاعلها وسـم مـن البـرق كشـاف=تصبح كمـا فـرش زهـوره عليلـه
وابيه سيف يحتمـي حـد الاحـلاف=فـي سلتـه يـروي كبـود عليلـه
وابيـه يرفانـي لاصـارت اكـلاف=مالـي عضيـد الا العظـام النحيلـه
شلت الحمول الكايدة لوهي اضعـاف=لـي هامـة ماتهـتـوي للقليـلـه
لو قسمو حملي على كـل الاكتـاف=يبـرك جملهـم للحمـل مايشيـلـه
حمل الجبال اللي من الحمل تنعـاف=عافت وحنـا مـن جهلنـا نشيلـه