السلام عليكم ورحمة الله وبركاته
مساء الخير اخواني الاعزاء
اولا : احب ان ابشركم بخروج الوالد بعد اجرائه عملية جراحية بالسلامه ولله الحمد
وثانيا : وهو موضوعنا
كتب في هذه المناسبة السعيده
الشاعر / سالم بن علي آل بحيح المري
ابيات تهنئة للوالد بالسلامه
ووكلت بالرد عليها
يقول سالم المري :
ياغازي بن برجس هانيك السلامه
عل وعساها دايمه طول الايام
من روس قوم يحتمون الجهامه
كسابه البيضا على روس الاعلام
وعندك صبي ماتراخا حزامه
برجس ولد غازي ولد كل مقدام
وهذا ردي عليه :
الهجس ضايقني وزاد احتدامه
وصغت الفريده صوغ واتعبت الاقلام
يامرحبا باللي وصلنا كلامه
واعداد تعداد الاسامي والارقام
واعداد ماهل المطر من غمامه
واعداد ما يبكي من البعد ايتام
واعداد من صلا رمضانٍ وصامه
باللي رقا بالطيب من فوق الاهرام
حرٍ تعلوا فوق راس العدامه
ابوعلي عز و ذرا كل منضام
تسلم ياشيخ الطيب رمز الشهامه
ثابت على سلمك وربعك ظنى يام
اهل الشكاله والثنا والزعامه
واهل العزايم عند روغات الاقدام
اللي بنو في قمة العز هامه
وعند المواقف دايمٍ ضربت حسام
ويفدونك الرديان واهل الرخامه
اللي مراجلهم على قطع الارحام