[معلومات العضو محمد الجبريني]

السلام عليكم ورحمة الله وبركاته
للتواصل احبابي واعزائي الكرام
والعذر منكم والسموحه غيابي

الله على اللي صوت سلفه ليا كخ =يصحي النايم بقوة قحزته
اسرع من اللي من قياده ليا نخ= اللي يزيد بركضه اليا لكزته
جبر العضود الي بدربه لاطربخ =اليا على مفصل وروكه نخزته
من قو حذافه اليا دار يصرخ=ومن فخم ماطوره تصجك رهجته
من قو ضخ البستم بزيته ان ضخ =يشق الارض بواحد اليا دبجته
وان قامت اقزوزه من النار تطبخ =راسي على سريت مسيره حدجته
كانه يقول الا سايقه زخني زخ =واليا أمترغت القاع بك وادرجته
اركد على ريسي بدعستك يالاخ =وثبت دركسوني عدل لا مرجته
وان كان راسك بالشكاله مايطنخ =مــد الطريق بوسط شوفك عرجته
انا ركوبي ماهو بناعم وجخ =يخالف أضلوع الضعيف أليا مجته
يبطي وهو من سبتي مابرى ودخ =ولاني على ماقيل لن ماعوجته
والله لاخلي كل ضهره له أمتخ =لامن تفيزر موخري به وعجته
وسواقي ابو راس من صلبه اصمخ =الي ليا من ضاق باله فرجته
الي وجع راسه على حسي يدخ =وان فج بي لاكبر طعوسٍ خرجته
وخليت ظهر الطعس من صدري أفتخ =اليا اعترض قدام وجهي ردجته
وان ماجعلت الطعس من قوي أمتخ =ماكان عسراة الفيافي نفجته
واليا جهلتوني يطن طنق طن طخ =يالديوجان ادواجكم ما دوجته
ومن تانكي وقود بنزيمي ابخ =لهيب نارٍ يشتعل لا حلجته
لايعتلي سيتي ضعيف ايترخرخ =أن مانخرع من قو حيلي حرجته
عسى رجول الاش عني بها فخ =وسواقي من الظيق صدره بهجته
واللي ماهو عارف حلاياي يلبخ =انا جميع البر دجته ولجته
وصفي شهير وبجمل اوصافي امصخ =هذا الكلام اللي ذكربي بي هرجته
من هو انا ياللي براسك شوي مخ =واش اسمي اللي وسط فكرك درجته

وسلامتكم