السلام عليكم ورحمة الله وبركاته
قصيدة باحت بها المشاعر في سمو سيدي صاحب السمو الملكي مساعد وزير الداخلية للشؤن الأمنية بالمملكة العربية السعودية الأمير / محمد بن نايف ابن عبدالعزيز آل سعود حفظه الله وأتمنى بأن تحوز على الاستحسان والرضى من ذائقتكم النقية .
أشهد أنك في قلوب الشعب سجلت الدخول=إي وربي يا محمد حسب إحصاء الثقات
لاعدمتك ياولد نايف عسى عمرك يطول=يارفيع الهام ياهام الرفاع النايفات
وابشر إنك كل يوم (ن) من قبول (ن) في قبول=ياجبين الشمس ياشمس الشموس المشرقات
في حضورك ترقص البسمة على الشف البتول=وتنتشي الفرحة وتطرب في مقامك الامنيات
هيبتك هيبة ملوك وهيّتك هيّة زحول=وكل يوم (ن) لك سجلّ (ن) حافل(ن) بالمنجزات
منجزات (ن) تلهد كبود المعادين الخبول= وللأمانة وافيات (ن) ضافيات (ن) كايفات
مو ثقات (ن) في دفاتر ضبط واحكام العدول=ضمن توثيق المراجع والعلوم مورّخات
شاهت عيون الحقايد حارت أفكار الذهول=يوم شافت موقفك مثل الجبال الراسيات
واللي مايطول العنيبا حامض (ن) عنها يقول=حسب مايروى عن اللي مالديه مبررات
أجل التحايا وأزجى الشكر لجميع الأحبة
عبدالرحمن الجبابرة
الرياض
الجمعة 15 من اكتوبر 2010م