هذي القصيدة قالها الشاعر / محمد ابن الشيخ آل حزمي المشاوية
في المقدم/فهد بن ناصر بن نايف ابن غصين المشاوية
ومواقفة النبيله والمشرفة ماتخفى كل رجال..
مبداي بسم اللي خلق الانس والجان *** الواحد المعبود جل جلاله
اللي رفع سبع على غير عمدان *** الحمدلله والشكر والثناء له
من بعد ذكرة بلعب القاف طربان *** بسوق قافي يوم جاني مجاله
بمدح وبعيد المدح ولاني بغلطان *** لقيل منهو قلت هذي خصاله
عند الشدايد محزم الضيق مليان *** حرن يبشر بالثنادي عياله
له فزعة تروي ظمأ كل عطشان *** وعند المواقف ماندور بداله
يوم الرخا سمن على الكبد ودهان *** وسم الحنش لمدورين الرذاله
شيخ ولد شيخ ومن روس شيخان *** ولد كريم مرخصن حر ماله
مشرع الديوان في كل الاحيان *** والمرجله من ورث عمة وخاله
يامرحبا وان جيت ياضيف عمسان *** الكيف الاشقر والشحم والفواله
هذاك ابوناصر"فهد"عالي الشان *** دمث الجناب جمل الله حاله
فهد ولد ناصر على الطايله بان *** ساق القدم مااخطى الدروب الشكاله
وختامها صلوا على نسل عدنان *** على نبي الله راعي الرساله