[معلومات العضو راشد المسعري]

المشاركة الأصلية كتبت بواسطة فهد الغريري

سر ياقلم واكتب على قافية آش=اكتب جزيل القول واضبط نقوشه
مشاعرن من خاطري قلتها كاش=مافيهن اللي وجعتن ومغشوشة
جاني على بدع القوافي تنعاش=واللي مانوشه باذن ربي لانوشه
(ابوعدي) يامشكاي ماعاد منهاش=جاك المسيّر والقوافي طروشه
محتار في وقته وضايع ومنداش=والفكر صابه يابن الأجواد دوشه
احس شي يجتول داخل الجاش=تقول كن بداخل الصدر هوشه
عزاااه يادم العرب صار ببلاش=في سوق (شارون) اليهودي و(بوشه)
فعراقنا جاك الزلايم والأدباش=كلن ورى الثاني يسحّب جيوشه
تشكي المساجد والمنابر والأحواش=تشكي فعايل (بوش) ويا جحوشه
صار السكوت إلحاف ووساد وفراش=وين الحمية والعقول إمخروشة
الوقت ضيعناه في (طاش ماطاش)=و(ستار اكاديمي) غرقنا بطوشه
(ابو عدي) يامشكاي ماعاد منهاش=عطني سمين الهرج واضبط نقوشه

يفداك ياذيبان لاش ولد لاش=ماهمه الا ماله اللي يحوشه
وجهك يلالي وابيض اليوم من الشاش=قلت الصحيح اللي جذبني نشوشه
هيضت قلبن دايم الدوم شوباش=واشقيت نفسن من زمنها طفوشه
همن يولعبي كما النار بقشاش=وهمن يطاردني وهمن اروشه
وهمن على قلبي تماتيك رشاش=و الله يصبرني على حر جوشه
كل السبب مليار مسلم على ماش=مليار في بعض الولات مغشوشه
قومن تذل جموعها لاجل تعتاش=واعراضها عند اليهود مخدوشه
لابوها لابو جدها لابو قطاش=لابوها لابو جدها من معوشه
الأول اللي قال ماعاد خلاش=ماينفع العميان صفة رموشه
وماحررت بغداد بلجيك (منقاش)=ولا نفعها اللي يحّسب قروشه
تبي رجالن تارد الجمة إعطاش=اللي على حوض المنايا عطوشه
ومن عاش بالذلات ياذيب ماعاش= يفداك من همّه قتوت ومعوشه

الشاعر العزيز الغالي ذو الخلق العالي ابو عبدالمحسن المسعري

تعجز الكلمات امامك ايوها الكبير فماذا عساها ان تقول لي ابوعبدالمحسن

وافي في كل شي عسى الله ان ينير بصيرتك لمل يحبه ويرضاه

صح الله السانكم وعتلا شانكم انت والشاعر الفذ ابو عدي جعله المعزه

وعسى الله ان يجمعكم على الخير والمعزه ونصرة الاسلام

اخوي ابوعبدالمحسن تقبل مني فائق التقديري والاحترام

اخوك / فهد الغريري,,

الأخ الغالي: فهد الغريري
أشكرك جزيل الشكر على هذا الكلام الطيب وعسى الله ينير بصائرنا جميعا ويهدينا لما يحبه ويرضاه.
شرفني مرورك يابن العم الرائع كروعة فهد الغريري وإبداعه فدمت بعز وتقبل مني فائق الود والتقدير ،،،