هذي قصيده للشاعر / زيد الشمري والغريب فيها ان القصيده بدون نقط
وحبيـت أنقلهـا لـكـم عـسـا أن تـنـال عـلـى إعجابـكـم
مالك ومال علـوم حاسـد وهـلاس=ماعاد معهم صـك حصـر الادلـه
عدوكـم ودك وراء دار مــدراس=والـى طرالـه وصلكـم ماحصلـه
لولاك مـادارك لهـا مولعـك داس=دارك الـى طالـع حـدوده عدلـه
كمل حلاك الله وطول لـك الـراس=الـورد والعـود المـورد عمـلـه
للراس عطر وللصدر لامع المـاس=محلى سلاسل لامـع المـاس هلـه
هلا هلا ما حط للدلـو والامـراس=وماصر محاله على المـاء وصلـه
ومامـد سـراح ومـاراح عسـاس=على الحـرار وكملـوا كلـه دلـه
ود اوده لك له اصول ولـه سـاس=صح علـى صـح والإسـلام ملـه
أحلى المهار المالكـه سلـم الكـاس=ملاكهـا صـار السعـد مسهمـلـه
لولاس ود معـادل الـروح لـولاس=لـولاس ودك صـار هـم وعـلـه
حال الحسود وحاس سر الهوى حاس=وعلى المـود الأمـر وأكـود حلـه
لا والله الأدك داكــوك وســواس=طار الكرى والسهـر عـود محلـه
أسهر كما الساهر على المال حراس=مسؤول لأموال وهـو حـارس لـه
اسهر على عكس الملا سهر الادماس=واعـد لمـاع السـمـا والأهـلـه
كم للمـوده همـوم والهـود دراس=والصـارم المسلـول لعـداه سلـه
صدره كساه الدرع والراس له طاس=كله عدم مـار الهـوى مـا سهلـه
حاله طـواه الهـم للحـال حمـاس=سمه هوى السحـار والحـال سلـه
الود له حمى وألـم راس واعمـاس=راع الهوى عـده علـى حـر ملـه
ارحم رحمك الله لك ادراك واحساس=اعـط الـوداد مسلـم الـود كـلـه
وصلوا على طه عدد رمل الاطعاس=وصلوا عدد مامطـر الوسـم علـه
تقبلوا تحياتي وتقديري اخيكم
(((
راكان العجمي )))