هذه القصيدة للشاعر عبيد عطاالله العتيبي ويسندها ألى قبيلة النتيفات ..
وهي موجه للشيخ/عامر بن هضيبان بن مقعد النتيفات .
قم يانديبي فوق فكسارأرخم=آخرموديل وفيه كل الوصوفي
الياونس النمره نهض ثم تليم=تليم اللى شاف فالجوشوفي
عليه شغموم شجاع إمشغمم=من ربعي العتبان لزم الكفوفي
ينصا هل الهدار نثارت الدم=أهل الكرم فالعسر يوم الظروفي
لازم لياجيت النتيفات تعزم=ألاد وائل مكرمين الضيوفي
كلٍ يقول إقلط وطالبك قل تم=وزود على الترحيب ذبح الخروفي
وهيلأ وبنّ وعودٍ أزرق يقدم=وطرايفٍ تقطع شفات الشفوفي
ربع قروم وكلبوهم بني عم=الكل منهم فالمواجيب يوفي
أهل إمهار بالملاقاء تلجم=أهل المهارالسرد وأهل السيوفي
أفعالهم تعرف قبل نجد يحكم=ونجدإيتزعزع بين آمان وخوفي
والمدح مايرفع ولاينقص الذم=المدح مايرفع بيوت الضعوفي
أنالهم مديون بالطيب ملزم=ونالهم ولوطال الزمان إمعروفي
تنشّرلهم بيضا على راس مازم=بيضآ لهاكل الخلايق تشوفي
تم الجواب إوصل إكتابي إلهم=حطه بيد عامر عشير الهنوفي
قله ترا العتيبي عليكم إيسلم=عداد ماخط القلم بالحروفي
وصلاة ربي عد مزن ترزم=على النبي مالاح برق الصيوفي
وقد رد عليه عدة شعراء من قبيلة النتيفات وهذا رد الشاعر / حزام بن ناصر النتيفات
قم يانديبي وارتحل فوق جي ام = سوبر وشكمانه يمين معطوفي
لامن ركبته ينجلي عنك الهم = وصوته مع البنزين يرجف رجوفي
سايقه في وقت السحور يتولم = يروح ويعجل علينا النكوفي
حي الجواب اللي لفانا مختم = اعداد ماتمطر اغلاظ القنوفي
ياشاعر العتبان ياجعل تسلم = جتنا مراسيلك بوسط الظروفي
حق علينا الضيف لازار يكرم = يلقى رجال يحتسون المضوفي
من يطلب العليا رقاها بسلم = درب المعزه واضح ومعروفي
ومن قدم المعروف ماهوب يندم = ولا يلحق اللي يصنعونه احسوفي
هاذي حقايق بينه وانت تفهم = الله يعدينا الخطر والصدوفي
وبافعال ربعك كلبو الناس تعلم = اللي على العدوان ماهي تروفي
اهل السيوف الحدب واهل المحازم = حدبن تحط الروس تحت الكتوفي
تاريخهم معروف قبل نتكلم = يوم العرب قومن وكل يحوفي
وعتيبه الهيلا سلامي لها يعم = اعداد من يكتب برقعه وكوفي
والحفري اختصه واقول اله والنعم = يومه على اسلوم النشاما معسوفي
وسلم على ربعك ولا هنت يالقرم = ياشوق زين الوصف نابي الردوفي
وصلاة ربي عد ما انشى وغيم = على النبي ماحج حاج يطوفي