[معلومات العضو محمد الغريري]

السلام عليكم ورحمة الله وبركاته ,,,


أهدي هذه المشاركة للمنتدى الرائع بروائع أعضاءه المتميزين

بروائعهم الدائمة ..


وقد كتبت هذه القصيدة في ابن عم لي ذهب للدراسة في كندا وقد

طال سفره وله من الشوق والاشتياق لرؤيته ما الله به عليم ..


وقد ذكرناه انا واخي ذات مره حينما احسسنا بفراقه ..

وبعدها كتبت ما سوف تقرأونه من ابيات وقصيدة متواضعة اضعها بين ايديكم ..


واتمنى ان تحوز على رضاكم ..

يقول الغريري ونبرة الحزن تغشاه = سهمٍ تمكن وسط قلبـي صوابـه
بعض العرب لا غاب وقتٍ فقدنـاه = وبعض العرب لا غاب محدٍ درابه
بعض العرب في يومه تسعد بلقياه = وبعض العرب في يومه هم ومعابه
وكل شاعر يدّعـي الحـب لليـلاه = والحب الصادق حب ما شك شابه
ابو سعد بأرض الأجانيب ذكرنـاه = له مدهل الضيفان مفتـوح بابـه
ياسِعد منهو لـه قريـبٍ وخـاواه = وخوة رجاجيل على العـز مهابـه
هو صاحبك ووقت الشدايد بتلقـاه = لمن نخيتـه: سـم هـذا جوابـه
سخرت شعري والقوافي بطريـاه = به العلوم السفرة والعيـب مابـه
ياوجد شعري وجد منهـو بفرقـاه = تبكـي قوافيـه الحزينـة عذابـه
رجل فقدته وأشهـد إنـا فقدنـاه = ربع وجماعه وكـل قـومٍ ولابـه
هذا قصيدي وكل طيـبٍ شرينـاه = ولا الردى حن نقلعه مـن ترابـه
وآخـر كلامـي ادعـي يالله يالله = يالله ان تعينه افغربته واغترابـه

وسلامتكم



وابشركم تراه رجع من كندا سالم غانم ..




اخوكم في الله

محمد الغريري