اقتباس:
المشاركة الأصلية كتبت بواسطة مبارك بن الجوير
اترك جميع الناس جمـعٍ وتفريـق
الا مـع الطيـب كريـم السبـالـي
باعلمـك ياذيـب ياعلـك اتفـيـق
عش عمرك بعـزه وحيـدٍ وعالـي
فارس يا فارس
عزالله صح الله لساااانك ملايييييين
لله درك
محاورة من راس جزل واحد
اختلف مع نفسه كثيرا
وكأنه يتمنى ان يكون الذيب صادقا"
ولكن عزالله اني مع الذيب في رايه يا ذيب
انظر لنصف الكوب المليان
ولايشحنك نصفه الفاضي ياعزوتي
مازال والله فيه من الرجال المطانيخ شرواك
وما ينهضم حقهم ..
ابداع ومحاورة بين ذيبين والله رااااقت لي كثيرا"
وللأمانه يافارس اتفقت معك فالبيتين المشار اليهم
وذكرت بيتن" لي قديم
من كثر ما خاويت بأبقى وحيدي
حتيش لو عمري قضيته خلاوي
وارجع واقووووول صح الله لساااانك لين ترضى ياخوك
شاعر بحار من الطراز الاول..
تقبل مروري المتواضع نفداااك...
اخوي مبارك بن الجوير
ارحب يابن مسعر وصح الله بدنك وقلبك
ابيض وجه ياذيبان على تعليقك الوافي .. ومافيه شك ياخوك ان الرجال الطيبين اللي مثلك وشرواك ما انعدموا وطيبهم وافعالهم ومراجلهم ماهيب مغبّاه.
لكن انت خابر ولايخفاك ان المقصود عيّنه من الناس جعلهم فداك وانا اخوك
وذالوقت اللي فيه طبوع وعلوم مابين الناس مختلفه عن العاده والمعروف.
مثل من يشيّخ بماله. ومثل من يخاويك لاجل المصالح.ومثل ماتعامل بعض الخلق بالطيب والصدق ويفاجئك نفاقهم وخبثهم جعلهم فداك وووالخ ...
وصح الله لسانك على البيت الجزل ياجزل
وعزالله انك صدقت .. عيشت الرجال وحيد اخير من خوتةٍ ماتفيده .
اخوي مبارك والله انك مبدع شعر وتعليق واسلوبك وكلامك اضاف للقصديه الكثير من الجمال يالذيب
مرورك شرف وتعليقك واطرائك وسام على صدري افتخر فيه يالقرم
لاهنت والله يطول عمرك على طاعه ورحم الله من جابك
تقبل جزيل الشكر والعرفان ونا اخوك .